وزیر نجکاری محمد میاں سومرو کی جانب سے اسٹیل ملز کی بحالی کو بروقت مکمل کرنے کی ہدایات جاری کردیں گئیں ہیں۔
تفصیلات کے مطابق وفاقی وزیر برائے نجکاری اور وزیر صنعت و پیداوارکی زیرصدارت بین الوزارتی اجلاس منعقد کیا گیا جس میں پاکستان اسٹیل ملز کی نجکاری کے متعلق پیش رفت پر بریفنگ دی گئی۔
اجلاس میں وزیر نجکاری کا کہنا تھا کہ تمام متعلقہ وزارتیں اور ادارے پاکستان اسٹیل ملز کی بحالی میں تعاون کر رہے ہیں۔
اجلاس میں اسٹیل ملز کے ذمہ بینکوں اور دیگر یوٹیلیٹی واجبات کی ادائیگی کے طریقہ کار پر غور کیا گیا ہے۔
علاوہ ازیں اجلاس میں پاکستان اسٹیل ملز کی مشینری و دیگر اثاثہ جات کی تخمینہ رپورٹ سمیت پورٹ قاسم اتھارٹی اور پاکستان اسٹیل ملز کے درمیان جیٹی اور راہداری کے استعمال پر بھی بات چیت کی گئی ہے۔
یاد رہے کہ ہفتہ وار اجلاس میں سیکرٹری پرائیواٹائزیشن، سیکرٹری ایڈیشنل، سیکرٹری انڈسٹریز، چئیرمین پورٹ قاسم اتھارٹی اور چیئرمین پاکستان اسٹیل ملز نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News