حکومت کی جانب سے قومی بچت اسکیموں پر شرح منافع میں تبدیلیاں کردی گئی ہیں۔
قومی بچت اسکیموں کے حوالے سے نوٹیفکیشن بھی جاری کردیا گیا ہے جس کے مطابق چھ ماہ کے شارٹ ٹرم سرٹیفکٹس پر شرح منافع 7.30 فیصد سے کم کر کے 7.20 فیصد کردیا گیا ہے۔
ریگولر انکم سرٹیفکیٹس پر شرح منافع کو 9.36 فیصد سے کم کر کے 9.24 فیصد کردیا ہے جبکہ اسپیشل سیونگز سرٹیفکٹس پر 8.87 فیصد سے کم کر کے 8.75 فیصد کردیا ہے۔
جاری نوٹیفکیشن کے مطابق تین ماہ کے شارٹ ٹرم سرٹیفکٹس پر شرح منافع 6.92 فیصد سے بڑھا کر 7.04 فیصد کردیا گیا ہے۔
ڈیفنس سیونگز سرٹیفکٹس، بہبود شہداء اور پینشنرز سرٹیفکٹس پر شرح منافع سمیت سیونگز اکاؤنٹس اور ایک سال کے شارٹ ٹرم سرٹیفکٹس پر شرح منافع بھی برقرار رکھا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News