ایل پی جی ڈیلرز کی ہڑتال کی دھمکی

Web Desk

04th Dec, 2021. 02:47 pm

لاہور: ایل پی جی ڈیلرز نے 10 دسمبر کو ہڑتال کی دھمکی دے دی ہے۔

ایل پی جی ڈیلرز عرفان کھوکھر کا کہنا تھا کہ اگر آئی ایم ایف کے دباؤ پر ایل پی جی پر دی گئی ٹیکس چھوٹ واپس لی گئی تو 10 دسمبر کو ہڑتال کریں گے، ایل پی جی گیس غریب کا ایندھن ہے، 10 دسمبر کو فیصل آباد میں ہڑتال کریں گے۔

انہوں نے کہا کہ ایل پی جی کی قیمت میں 14روپے فی کلو کمی ہوئی لیکن درآمدی ایل پی جی پر ٹیکس کی دی گئی چھوٹ واپس لی جا رہی ہے۔

عرفان کھوکھر کے مطابق ایل پی جی کی قیمت میں 14روپے فی کلوکمی سے  گھریلو سلنڈر کی قیمت میں 169 روپے اور کمرشل سلنڈر کی قیمت میں 650 روپے کمی ہوئی ہے۔

ان کا کہنا تھا کہ درآمدی ایل پی جی پر ٹیکس کی دی گئی چھوٹ واپس لینے سے قیمت کے کم کرنے کا عوام کو کوئی فائدہ نہیں ہوگا۔

انہوں نے مزید کہا کہ ایل پی جی217 روپے فی کلو اور 203 روپے فی کلو میں دستیاب ہے جبکہ  گھریلو سلنڈر 2 ہزار 390 روپے کا ہوگیا ہے اور کمرشل سلنڈر9 ہزار 197 روپے کا ہوگیا ہے۔

Square Adsence 300X250