آئی ایم ایف نے سری لنکا کیلئے 2 ارب 90 کروڑ ڈالر قرض کی منظوری دے دی

ویب ڈیسک

21st Mar, 2023. 03:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف نے سری لنکا کیلئے 2 ارب 90 کروڑ ڈالر قرض کی منظوری دے دی

عالمی مالیاتی فنڈ( آئی ایم ایف) نے کئی ماہ سے بدترین معاشی بحران کے شکار سری لنکا کے لیے 2 ارب 90 کروڑ ڈالر قرض کی منظوری دے دی۔

بین الاقوامی خبررساں ادارے کے مطابق سری لنکا کے صدر کا کہنا ہے کہ گزشتہ روز آئی ایم ایف نے سری لنکا کے لیے 2 ارب 90 کروڑ ڈالر قرض کی منظوری دی ہے۔

آئی ایم ایف کے بورڈ نے بھی اس بات کی تصدیق کی کہ اس نے قرض دینے کی منظوری پر دستخط کر دیے ہیں۔

ساتھ ہی آئی ایم ایف نے سری لنکن حکومت پر ٹیکس اصلاحات، غریبوں کے لیے سماجی تحفظ جاری رکھنے اور ملک میں معاشی بحران کا سبب بننے والی بدعنوانیوں پر قابوپانے کے لیے زور دیا ہے۔

سری لنکا کی حکومت نے آئی ایم ایف کی شرائط پوری کرتے ہوئے ٹیکس دو گنا کر دیے جبکہ توانائی کے نرخوں میں تین گنا اضافہ اور سبسڈی بھی کم کر دی ہے۔

دیوالیہ ہونے کے بعد سری لنکامیں ایندھن، توانائی اور بجلی سمیت دوائیوں اور غذائی اجناس کی شدید قلت پیدا ہو گئی تھی اور ملک میں مہنگائی اپنے عروج کو پہنچ گئی تھی۔