مہنگے پیٹرول سے پریشان پاکستانیوں کو حکومت نے خوشخبری سنادی ہے۔
تفصیلات کے مطابق لاہور میں وزیراعظم شہبازشریف کی زیرصدارت پیٹرولیم ریلیف پیکیج پراجلاس ہوا جس میں کم آمدن افراد تک پیٹرولیم سبسڈی کی فراہمی کی حکمت عملی پربریفنگ دی گئی۔
اجلاس میں کم آمدن افراد کوپیٹرولیم مصنوعات پر 50 روپے فی لیٹر تک ریلیف پیکیج دینے کا فیصلہ کیا گیا ہے۔
دورانِ اجلاس وزیر اعظم شہباز شریف کا کہنا تھا کہ پیٹرولیم سبسڈی کیلئے 50 روپے فی لیٹرتک کی رقم مختص کی جائے، پیٹرولیم سبسڈی کا عملی پروگرام جلد ازجلد مکمل کیا جائے۔
شہبازشر یف کا کہنا تھا موثرعملدرآمد کیلئے متعلقہ ادارے باہمی تعاون سے جامع حکمت عملی مرتب کریں، موٹرسائیکل، رکشہ اور800 سی سی سمیت دیگرچھوٹی گاڑیاں شامل کی جائیں۔
وزیر اعظم کا کہنا تھا پیٹرولیم سبسڈی براہ راست غریب عوام کے ریلیف کا باعث بنے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News