پی آئی اے کا غیر ملکی پروازوں پر خصوصی ڈسکاؤنٹ کا اعلان

ویب ڈیسک

08th Aug, 2024. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کا غیر ملکی پروازوں پر خصوصی ڈسکاؤنٹ کا اعلان

کراچی: پاکستان انٹرنیشنل ایئرلائنز (پی آئی اے) نے غیر ملکی پروازوں پر خصوصی ڈسکاؤنٹ کا اعلان کردیا۔

پی آئی اے نے غیر ملکی پروازوں پر خصوصی ڈسکاؤنٹ کا اعلان کیا ہے جس کے تحت مسافر 15 اگست سے 14 نومبر تک کی سفری تاریخوں کے لیے رعائیتی کرائے سے فائدہ اٹھاسکتے ہیں۔

یوم آزادی کے موقع پر پاکستان انٹرنیشنل ایئر لائنز نے ٹورنٹو سے پاکستان جانے والی پروازوں کے لیے سیٹ بکنگ پر 14 فیصد خصوصی رعایت کا اعلان کیا ہے۔

پروموشنل پیشکش کا مقصد جشن آزادی منانا اور مسافروں کے لئے پرکشش سفر کے مواقع فراہم کرنا ہے۔

ترجمان پی آئی اے کے مطابق 14 فیصد ڈسکاؤنٹ کا فائدہ 1 سے 14 اگست کے درمیان بک کرائی گئی تمام سیٹوں کی بکنگ پر لاگو ہوگا۔

ترجمان نے بتایا کہ اس عرصے کے دوران بکنگ کرنے والے مسافر 15 اگست سے 14 نومبر تک کی سفری تاریخوں کے لیے کم کرائے سے فائدہ اٹھاسکتے ہیں۔

یہ اقدام پی آئی اے کی سفر کی حوصلہ افزائی اور ٹورنٹو سے پاکستان کے مختلف مقامات کے لیے پرواز کرنے والے مسافروں کے لیے ایک کفایتی آپشن فراہم کرنے کی کوششوں کا حصہ ہے۔

ایئر لائن ذرائع کے مطابق اس رعایت سے مسافر بھرپور فائدہ اٹھائیں گے۔