ایشیائی ترقیاتی بینک نے پاکستان کیلئے 32 کروڑ ڈالر قرض کی منظوری دیدی

عمر حیات خان

13th Sep, 2024. 04:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشیائی ترقیاتی بینک نے پاکستان کیلئے 32 کروڑ ڈالر قرض کی منظوری دیدی

ایشیائی ترقیاتی بینک نے پاکستان کیلئے 32 کروڑ ڈالر قرض کی منظوری دیدی ہے۔

ایشیائی ترقیاتی بینک نے اعلامیہ جاری کیا ہے جس کے مطابق 32 کروڑ ڈالر کی رقم خیبرپختونخوا میں سڑکوں کی بحالی کیلئے خرچ ہوگی۔

اعلامیہ میں کہا گیا ہے کہ قرض سے دیہی علاقوں میں آل ویدر محفوظ رابطہ کاری میں اضافہ ہوگا، اس کے علاوہ خیبرپختونخوا کے دیہی علاقوں میں 900 کلو میٹر سڑکوں کی اپ گریڈ کیا جائے گا۔

جاری کردہ اعلامیے کے مطابق یہ سڑکیں پسماندہ طبقات کو صحت ، تعلیم میں رابطوں کیلئے استعمال ہوں گی، منصوبے سے معاشی سرگرمیوں میں اضافہ ہوگا۔

اعلامیہ میں کہا گیا ہے کہ خیبر پختونخواہ کی اس ترقی سے ملک کے دیگر حصوں کو بھی فائدہ پہنچے گا، جبکہ صوبے میں موسمیاتی تبدیلی نے بہت نقصان پہنچایا ہے، انفراسٹرکچر مسائل اور بیماریوں کی وجہ سے لوگوں کی زندگی پر برے اثرات مرتب ہوئے ہیں۔

اعلامیے کے مطابق اس منصوبے کے ذریعے فنانشل اور ٹیکنیکل معاونت فراہم کی جائے گی، حکومت کو لینڈ سلائیڈ کی وجہ سے پہنچنے والے نقصانات کا ازالہ کرنے کے قابل بنایا جائے گا، ٹھیکہ سسٹم میں بہتری لا کرروڈ مینٹیننس اور ٹوارزم کی صورتحال بہتر بنائی جائے گی۔