بجلی سستی کرنے کیلئے درآمدی ایل این جی پر ٹیکسز کم کرنے پر غور

عمر حیات خان

05th Sep, 2024. 01:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی سستی کرنے کیلئے درآمدی ایل این جی پر ٹیکسز کم کرنے پر غور

اسلام آباد: ملک بھر میں بجلی سستی کرنے کے لئے درآمدی ایل این جی پر ٹیکسز کم کرنے پر غور شروع کردیا گیا ہے۔

ذرائع کے مطابق درآمدی ایل این جی پر بھاری ٹیکس اور پورٹ چارجز وصولی کا انکشاف ہوا ہے، فی ایم ایم بی ٹی یو درآمدی ایل این جی پر 4 ڈالر کے چارجز اور ٹیکسز ہیں، 11 ڈالر کی درآمدی ایل این جی پاکستان میں 15 ڈالر فی ایم ایم بی ٹی یو پڑتی ہے۔

وزارت پیٹرولیم نے چارجز و ٹیکس میں کمی کے لئے ابتدائی ورکنگ شروع کردی ہے، وزارت نے پورٹ چارجز کم کرانے کیلئے وزارت جہاز رانی و بندرگاہ سے رابطہ کیا ہے۔

ذرائع کا کہنا ہے کہ پورٹ چارجز کم ہونے سے ایل این جی کی قیمتوں میں واضع کمی آسکتی ہے، پاکستانی بندرگاہوں پر ایل این جی کے پورٹ چارجز خطے میں سب سے زیادہ ہیں۔

علاوہ ازیں وزارت پیٹرولیم گیس کی یکساں قمیت کیلئے بھی پورٹ چارجز کم کرانا چاہتی ہے، پورٹ چارجز کم ہونے سے درآمدی ایل این جی کی قمیت 2800 روپے ہوجائے گی۔

ذرائع نے مزید بتایا کہ اس وقت درآمدی گیس 3600روپے جبکہ مقامی گیس 1200روپے میں پڑ رہی ہے، گیس کی یکساں قیمت کے فارمولے سے ایوریج قیمت 1800روپے ہوجائے گی، بجلی بھی سستی بنے گی اور ٹیرف کے فرق پر صوبوں کا اعتراض بھی دور ہوگا۔