پاکستانی برآمدات میں 14.42 فیصد اضافہ

عمر حیات خان

18th Sep, 2024. 02:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی برآمدات میں 14.42 فیصد اضافہ

رواں مالی سال کے ابتدائی دو ماہ میں پاکستانی برآمدات میں 14.42 فیصد اضافہ ہوا۔

ادارہ شماریات کی جانب سے جاری کردہ اعداد و شمار کے مطابق جولائی تا اگست برآمدات کا حجم 5 ارب ڈالر سے تجاوز کر گیا۔

غذائی اشیاء کی ایکسپورٹ 42.39 فیصد اضافے سے ایک ارب ڈالر سے زیادہ رہی۔چاول، پھل، سبزیوں، تمباکو، چینی، گوشت اور دیگر اشیاء کی برآمدات میں اضافہ ہوا۔

ٹیکسٹائل کی برآمدات 5.37 فیصد اضافے سے 2 ارب 91 کروڑ ڈالر سے تجاوز کرگئیں۔سوتی کپڑے، ریڈی میڈ گارمنٹس، نیٹ ویئر، بیڈ ویئر اور ٹاولز کی ایکسپورٹ بڑھی۔

اس کے علاوہ سلک، سنتھیٹک ٹیکسٹائل، ترپال اور ٹینٹ کی ایکسپورٹ میں بھی اضافہ ہوا۔

ادارہ شماریات کے مطابق کوئلے سمیت پیٹرول گروپ کی ایکسپورٹ میں بھی اضافہ ہوا۔

لیدر گلوز، فٹ ویئر، کٹلری، کیمیکلز، پلاسٹک مٹیریل، ادویات، انجینئرنگ گڈز، الیکٹرک پنکھوں اور ٹرانسپورٹ کے سامان کی ایکسپورٹ میں بھی اضافہ ہوا۔

دو ماہ میں آٹو پارٹس، قیمتی پتھروں، جیولری کی برآمدات میں بھی اضافہ ہوا ہے۔

دوسری جانب سیمنٹ، فرنیچر، کینوس فٹ ویئر، لیدر گارمنٹس،مچھلی، خشک میوہ جات، سوتی دھاگے، خام کپاس اور کارپیٹس کی برآمدات میں کمی آئی۔