اسلام آؓباد: ہفتہ وار بنیادوں پر مہنگائی کی شرح میں 0.34 فیصد کمی ریکارڈ کی گئی ہے۔

ادارہ شماریات کی ہفتہ وار بنیادوں پر مہنگائی سے متعلق رپورٹ جاری کردی ہے، ماہ دسمبر کے پہلے ہفتے میں مہنگائی کی شرح 0 اعشاریہ 34 فیصد گرگئی۔

رپورٹ میں بتایا گیا ہے کہ ہفتہ وار بنیادوں پر مہنگائی بڑھنے کی سالانہ شرح 3 اعشاریہ 57 فیصد پر آگئی جب کہ ایک ہفتے کے دوران 18 اشیاء مہنگی، 10 کی قیمتوں میں کمی ہوئی۔

مہنگی ہونے والی اشیاء

رپورٹ کے مطابق حالیہ ہفتے کے دوران لہسن فی کلو 12 روپے 39 پیسے مہنگا ہوا، ویجیٹبل گھی کا ڈھائی کلو ٹن 23 روپے 75 پیسے مہنگا ہوا۔

حالیہ ہفتے کے دوران آلو فی کلو 1 روپے 96 پیسے مہنگے ہوئے، پیاز فی کلو 1 روپے 65 پیسے فی کلو مہنگے ہوئے جب کہ پیٹرولیم مصنوعات، جلانے کی لکڑی اور کیلے بھی مہنگی ہونے والی اشیاء میں شامل ہیں۔

سستنی ہونے والی اشیاء

حالیہ ہفتے کے دوران ٹماٹر فی کلو 39 روپے 81 پیسے سستے ہوئے، چکن فی کلو 35 روپے 40 پیسے تک سستا ہوئی جب کہ جب کہ دال ماش فی کلو 7 روپے 95 پیسے سستی ہوئی۔

گندم کا آٹا، ایل جی کا گھریلو سیلنڈر، چاول اور انڈے بھی سستی ہونے والی اشیاء میں شامل ہیں۔

علاوہ ازیں بریڈ، مٹن اور چائے کی پتی سمیت 23 اشیاء کی قیمتیں مستحکم رہیں۔