مہنگائی کی شرح میں کمی ریکارڈ

عمر حیات خان

14th Feb, 2025. 05:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہنگائی کی شرح میں کمی ریکارڈ

اسلام آباد: گزشتہ ایک ہفتے کے دوران مہنگائی میں 0.04 فیصد کی معمولی کمی ریکارڈ کی گئی ہے۔

ادارہ شماریات نے ہفتہ وار بنیادوں پر مہنگائی کے اعداد و شمار جاری کردیے ہیں جس کے مطابق ایک ہفتے میں 15 اشیاء کی قیمتوں میں کمی اور 13 کی قیمتوں میں اضافہ ہوا۔

مہنگی ہونے والی اشیاء

ادارہ شماریات نے بتایا کہ ایک ہفتے میں کیلے فی درجن 12 روپے 96 پیسے مہنگے ہوگئے، چکن فی کلو 15 روپے 45 پیسے مہنگا ہوا جب کہ انڈے فی درجن 5 روپے 85 پیسے مہنگے ہوگئے۔

گزشتہ ہفتے لہسن کی فی کلو قیمت میں 9 روپے 77 پیسے کا اضافہ ہوا اور چینی فی کلو 1 روپے 16 پیسے مزید مہنگی ہوئی جب کہ مٹن، بیف، دودھ، دہی اور دال ماش بھی مہنگی ہونے والی اشیاء میں شامل ہیں۔

سستی ہونے والی اشیاء

ہفتہ وار بنیادوں پر ٹماٹر فی کلو 5 روپے 42 پیسے سستے ہوئے، پیاز فی کلو 3 روپے 63 پیسے اور 190 گرام چائے کا پیکٹ 24 روپے 26 پیسے سستا ہوا۔

ایک ہفتے کے دوران دال چنا کی قیمت میں 6 روپے 48 پیسے کمی، ایل پی جی، آٹا، گڑ اور جلانے کی لکڑی بھی سستی ہونے والی اشیاء میں شامل ہیں جب کہ بریڈ، سیگریٹ، ماچس اور کپڑوں سمیت 23 اشیا کی قیمتیں مستحکم رہیں۔