اسلام آباد: امریکی صدر ٹرمپ کی حمایت یافتہ ورلڈ لبرٹی فنانشل اور پاکستان کرپٹوکونسل کےساتھ معاہدہ طے پاگیا۔

وزرات خزانہ کے مطابق ورلڈ لبرٹی فنانشل کے وفد نے  وزیراعظم شہاز شریف،آرمی چیف جنرل عاصم منیر،نائب وزیراعظم اسحٰق ڈار ،وزیراطلاعات عطاتارڑ،وزیردفاع خواجہ آصف سے ملاقات کی۔

اس سلسلے میں جاری اعلامیے میں کہاگیا کہ یہ معاہدہ پاکستان کوڈیجیٹل فنانس کیلئےاہم پیشرفت ہے،اجلاس میں وزیرخزانہ ، کونسل کےسی ای او، گورنراسٹیٹ بینک،چیئرمین ایس ای سی پی اوروفاقی سیکریٹری برائےانفارمیشن ٹیکنالوجی بھی  شریک ہوئے۔

وزارت خزانہ کے مطابق اس معاہدے کے تحت بلاک چین مالیاتی مصنوعات کی جانچ کےلیے ریگولیٹری سینڈ باکسز کا اجرا ہوگا۔

وزارت خزانہ نے کہا کہ معاہدے کا مقصد پروٹوکولزکی ذمہ دارانہ ترقی کوفروغ دیناہے، ریمٹینسزاورتجارت کےلیے اسٹیبل کوائن ایپلی کیشنزکو وسعت دی جائے گی۔

اعلامیے میں کہا گیا کہ بلاک چین انفرااسٹرکچراورعالمی ریگولیٹری رجحانات پراسٹریٹجک مشاورت ہوگی،پاکستان دنیاکی سب سےابھرتی ڈیجیٹل معیشتوں میں سےایک ہے۔

اعلامیے میں مزید کہا گیا ہے کہ پاکستان کی 64 فیصد سے زائد آبادی30 سال سے کم عمر ہے،نوجوان طبقہ اورٹیکنالوجی سیکٹرہماراسب سے بڑا اثاثہ ہے، شراکت داریوں سے بلاک چین معیشت میں سرمایہ کاری کےنئےدروازے کھل رہے ہیں۔

سی ای اوپاک کرپٹو کونسل بلال بن ثاقب نے کہاہے کہ ورلڈلبرٹی فنانشل کےساتھ شراکت محض معاہدہ نہیں اسٹریٹجک اقدام ہے، اسٹریٹجک اقدام ہماری نوجوان آبادی کوبااختیاربنائےگا۔