صرف 6,448 روپے ماہانہ میں نئی ہونڈا سی ڈی 70 موٹر سائیکل حاصل کریں اور وہ بھی بغیر کسی سود کے۔

اگر آپ نئی موٹر سائیکل خریدنے کا ارادہ رکھتے ہیں تو اب یہ خواب پورا کرنا نہایت آسان ہوگیا ہے۔

معروف موٹر سائیکل ہونڈا سی ڈی 70 اب آسان ماہانہ اقساط میں دستیاب ہے جن کی شروعات صرف 6 ہزار 448 روپے سے ہو رہی ہے اور سب سے بڑی بات یہ کہ ابتدائی 3 اور 6 ماہ کے پلانز پر 0 فیصد مارک اپ بھی دیا جا رہا ہے۔

یہ آفر ملک بھر میں دستیاب ہے اور اس کا اطلاق یکم جون سے 30 جون 2025 تک ہوگا۔

اس منصوبے کے تحت صارفین کو فلیکس ایبل قسطوں کی سہولت دی جا رہی ہے جو 3 ماہ سے لے کر 48 ماہ تک محیط ہے اور موٹر سائیکل مقامی اسٹور سے حاصل کی جا سکتی ہے۔

مکمل تفصیلات:

موٹر سائیکل ہونڈا سی ڈی 70 کی کل قیمت1 لاکھ 57 ہزار 900 روپے ہے جب کہ قسط کا دورانیہ3 ماہ سے 48 ماہ کے درمیان ہے۔ 3 سے ماہ کے پلانز پر 0 فیصد مارک اپ ہوگا۔

ماہانہ قسطی منصوبہ:

ہونڈا سی ڈی 70 کو قسطوں پر حاصل کرنے کے لیے مختلف ادائیگی کے آپشنز دستیاب ہیں۔ اگر آپ تین ماہ کی قسط کا انتخاب کرتے ہیں تو ماہانہ 52 ہزار 633 روپے ادا کرنا ہوں گے اور اس پر کسی قسم کا منافع لاگو نہیں ہوگا۔

اسی طرح چھ ماہ کے لیے بھی یہ آفر بغیر سود کے دستیاب ہے جس میں ماہانہ قسط 26 ہزار 316 روپے مقرر کی گئی ہے۔

یہ بھی پڑھیں: لاہور کی سڑکوں پر موٹرسائیکل سواروں کیلئے الگ راستہ مختص

اگر آپ بارہ ماہ کے قسطی منصوبے کا انتخاب کرتے ہیں تو ماہانہ قسط 16 ہزار 316 روپے ہوگی جب کہ 24 ماہ کے لیے یہ قسط 9 ہزار 737 روپے ہوگی۔

طویل المدتی پلان یعنی 36 ماہ کی مدت کے لیے قسط کم ہو کر 7 ہزار 544 روپے اور 48 ماہ کے لیے سب سے کم قسط یعنی صرف 6 ہزار 448 روپے ماہانہ بنتی ہے۔

موٹر سائیکل خریدنے کے خواہشمند افراد اس آفر سے فائدہ اٹھانے کے لیے مقررہ تاریخ سے پہلے آن لائن درخواست دے سکتے ہیں۔