اسلام آباد: وزارت خزانہ کی جانب سے ماہانہ اکنامک آؤٹ لک رپورٹ جاری کردی گئی ہے۔

رپورٹ کے مطابق ملکی معاشی صورتحال میں استحکام آیا ہے، نومبر میں مہنگائی 5 سے 6فیصد تک رہنے کا امکان ہے جبکہ اکتوبر 2025 میں مہنگائی سالانہ بنیاد پر6.2 فیصد تھی۔

وزارت خزانہ نے رپورٹ میں کہا ہے کہ حکومت محتاط طور پر مزید بہتری کیلئے پُرامید ہے، صنعتی سرگرمیوں میں بہتری اوراصلاحات کے ثمرات ظاہر ہورہے ہیں۔

رپورٹ میں کہا گیا کہ خوراک کی قیمتوں اور زرعی پیداوار پر دباؤ برقرار ہے، ربیع سیزن میں سپلائی مستحکم رکھنے کیلئے حکومتی اقدامات جاری ہیں۔

وزارت خزانہ کی رپورٹ کے مطابق برآمدات میں مستقل اضافہ اور ترسیلات زر مضبوط رہیں، پیداوار کیلئےدرآمدی طلب میں اضافہ ہوا، مجموعی معیشت مثبت رفتار برقرار رکھے ہوئے ہیں۔

رپورٹ میں مزید بتایا گیا کہ ڈھانچہ جاتی اصلاحات اور ڈیجیٹائزیشن سے بہتری کا امکان ہے، گورننس میں بہتری کے اقدامات جاری ہیں جبکہ مالیاتی نظم وضبط اور استحکام کی کوششیں بھی برقرار ہیں۔

مزید پڑھیں: آئی ایم ایف کا اکنامک آؤٹ لک جاری