سپریم کورٹ آف پاکستان کے چیف جسٹس عمر عطا بندیال نے چیف جسٹس ہاؤس خالی کر دیا ہے۔

اس حوالے سے ذرائع نے بتایا ہے کہ چیف جسٹس عمر عطا بندیال ریٹائرڈ ججز کیلئے مختص گھر منتقل ہوگئے ہیں۔

ذرائع کے مطابق نامزد چیف جسٹس قاضی فائز عیسیٰ رواں ہفتے چیف جسٹس ہاؤس منتقل ہوجائیں گے۔

ذرائع کا مزید کہنا ہے کہ حلف برداری تقریب کیلئے جسٹس فائز عیسیٰ چیف جسٹس ہاؤس سے ہی روانہ ہونگے اور 17 ستمبر کو عہدے کا حلف اٹھائیں گے۔

واضح رہے کہ چیف جسٹس آف پاکستان عمر عطا بندیال کی ریٹائرمنٹ پر انکے اعزاز میں فل کورٹ ریفرنس نہ ہونے کا امکان ہے۔

اس حوالے سے چیف جسٹس نے کہا تھا کہ سپریم کورٹ سے ریٹائرڈ ہونے والے ہر جج کو اسکی ریٹائرمنٹ کے موقع پر فل کورٹ ریفرنس دیا جاتا ہے، فل کورٹ ریفرنس ریٹائرڈ ہونے والے جج کے اعزاز میں ہوتا ہے۔

صحافی نے چیف جسٹس عمر عطا بندیال سے سوال کیا کہ کیا آپ فل کورٹ ریفرنس لے رہے ہیں؟ جس پر چیف جسٹس نے کہا تھا کہ میں نے ابھی تک اس بارے میں نہیں سوچا اور فیصلہ نہیں کیا۔

جسٹس قاضی فائز عیسٰی سے سوال کیا گیا کہ کیا چیف جسٹس کو فل کورٹ ریفرنس دیا جا رہا ہے؟ جس پر انہوں نے جواب دیا کہ ہم بھی انتظار کر رہے ہیں جیسے پتا چلے گا بتا دیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں