صنم جاوید کو سینیٹ الیکشن لڑنے کی اجازت دینے کا تحریری فیصلہ

عبدالرحمان

26th Mar, 2024. 11:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صنم جاوید کو سینیٹ الیکشن لڑنے کی اجازت دینے کا تحریری فیصلہ

لاہور: الیکشن ‏اپیلیٹ ٹریبونل نے صنم جاوید کو سینٹ کا الیکشن لڑنے کی اجازت کا تحریری فیصلہ جاری کردیا۔

اپیلیٹ ٹریبونل کے جج جسٹس شاہد بلال حسن نے صنم جاوید کی اپیل پر گیارہ صفحات پر مشتمل تحریری فیصلہ جاری کیا۔

تحریری فیصلے میں کہا گیا ہے کہ عمر سرفراز چیمہ بھی جیل میں ہیں انکے کاغذات نامزدگی منظور ہوئے، کسی کے ساتھ امتیازی سلوک نہیں ہونا چاہیے۔

عدالتی فیصلے کے مطابق صنم جاوید کو جنرل الیکشن لڑنے کی اجازت بھی ملی، موجودہ حالات میں کسی کو بنیادی حقوق سے محروم نہیں رکھا جاسکتا، الزام تھا کہ اپیل کنندہ کا شوہر 2023 کی ٹیکس ریٹرن جمع نہیں کروا سکا، اپیل کنندہ کے شوہر کو نو مئی کے مقدمے میں گرفتار کیا گیا۔

فیصلے میں کہا گیا کہ سال 2023 کا ٹیکس ناگزیر حالات کی وجہ سے جمع نہیں ہوسکا، ان حالات واقعات کا جائزہ ریٹرنگ افسر کو بھی لینا چاہیے تھا۔

تحریری فیصلے میں مزید کہا گیا کہ صنم جاوید کو خواتین کی پنجاب کی مخصوص نشست پر انتخاب لڑنے کی اجازت دی جاتی ہے، ریٹرنگ افسر امیداروں کی لسٹ میں اپیل کنندہ کا نام شامل کرے۔