بانی پی ٹی آئی کی 6، بشریٰ بی بی کی ایک درخواست ضمانت پر سماعت ملتوی

ویب ڈیسک

30th Jul, 2024. 10:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بانی پی ٹی آئی کی 6، بشریٰ بی بی کی ایک درخواست ضمانت پر سماعت ملتوی

اسلام آباد کی ڈسٹرکٹ اینڈ سیشن کورٹ نے بانی پی ٹی آئی کی 6 اور بشریٰ بی بی کی ایک درخواست ضمانت پر سماعت ملتوی کردی۔

ایڈیشنل سیشن جج محمد افضل مجوکا نے بانی پی ٹی آئی کی 6 اور بشریٰ بی بی کی ایک درخواست ضمانت کی درخواستوں پر سماعت کی۔

ایڈیشنل سیشن جج محمد افضل مجوکا کی عدالت میں سماعت کے دوران پی ٹی آئی وکیل بشیر ڈار عدالت کے سامنے پیش ہوئے اور استدعا کی کہ آج بیرسٹر سلمان صفدر عدالت میں پیش نہیں ہوسکتے، سماعت ملتوی کی جائے۔

عدالت نے وکیل کی استدعا منظور کرتے ہوئے ضمانت کی درخواستوں پر سماعت 5 ستمبر تک ملتوی کردی۔

واضح رہے کہ بانی پی ٹی آئی کے خلاف تھانہ ترنول میں 2، ایک ایک مقدمہ تھانہ رمنا، سیکرٹریٹ، کوہسار اور تھانہ کراچی کمپنی میں درج ہے۔

بانی پی ٹی آئی کے خلاف 3 مقدمات 9 مئی واقعات، ایک مقدمہ الیکشن کمیشن کے فیصلے کے خلاف احتجاج، ایک مقدمہ اداروں کے خلاف تقریر اور ایک مقدمہ توشہ خانہ جعلی رسیدوں پر درج ہے۔

مزید برآں بشریٰ بی بی کے خلاف توشہ خانہ جعلی رسیدیں جمع کرانے پر تھانہ کوہسار میں فوجداری مقدمہ درج ہے۔