9 مئی کے 4 مقدمات؛ بانی پی ٹی آئی کی ضمانت کی درخواستوں پر دلائل طلب

عبدالرحمان

10th Sep, 2024. 12:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

9 مئی کے 4 مقدمات؛ بانی پی ٹی آئی کی ضمانت کی درخواستوں پر دلائل طلب

لاہور کی انسدادِ دہشت گردی کی عدالت نے 9 مئی کے 4 مقدمات میں بانی پی ٹی آئی کی ضمانت کی درخواستوں پر پراسیکیوشن سے دلائل طلب کرلئے۔

انسدادِ دہشت گردی کی عدالت کے جج ارشد جاوید نے 9 مئی کے 4 مقدمات میں بانی پی ٹی آئی کی ضمانت کی درخواستوں پر سماعت کی۔

بانی پی ٹی آئی کے وکیل بیرسٹر سلمان صفدر نے دلائل دیتے ہوئے کہا کہ بانی پی ٹی آئی کو اسلام آباد ہائیکورٹ سے گرفتار کیا گیا تو ہنگامہ آرائی ہوئی، بانی پی ٹی آئی کو جب سپریم کورٹ پیش کیا گیا تب انہیں سب واقعے سے آگاہ کیا۔

وکیل سلمان صفدر نے کہا کہ بانی پی ٹی آئی نے اس واقعے کی مذمت کی اور کہا کہ جو لوگ ملوث ہیں ان کے خلاف کارروائی ہونی چاہیے، بانی پی ٹی آئی مقدمات کے وقت پولیس کی تحویل میں تھے۔

بانی پی ٹی آئی کے وکیل نے کہا کہ سیاسی بنیادوں پر مقدمات میں بانی پی ٹی آئی کو شامل کیا گیا، عدالت ضمانت کی درخواستیں منظور کرے۔

بعدازاں عدالت نے بانی پی ٹی آئی کی 4 مقدمات میں ضمانت کی درخواستوں پر پراسیکیوشن سے دلائل طلب کرتے ہوئے کیس کی مزید سماعت 16 ستمبر تک ملتوی کردی۔