بھارت میں چھوٹے بھائی نہ شادی نہ کروانے کے مذاق پر بڑے بھائی کی جان لے لی ۔
بھارتی ریاست گجرات کے شہر راج کوٹ میں نشے میں دھت دو بھائیوں کے درمیان معمولی سی بات پر بحث ہوئی اور کچھ ہی دیر میں دونوں کے درمیان تلخ جملوں کا تبادلہ ہوا اور بعد ازاں ہاتھا پائی کی نوبت آگئی۔
پولیس کے مطابق راج کوٹ کے ایک گاؤں کا نوجوان پاون جس کی عمر 22 سال ہے، اپنے غیر شادی شدہ چھوٹے بھائی کے ساتھ گھر کی سیڑھیوں پر بیٹھا ہوا تھا اور دونوں نے شراپ پی رکھی تھی، اس دوران وہ اپنی زندگی اور گھریلو حالات سے متعلق باتیں کررہی تھے کہ اچانک ساون کی شادی کی بات نکل آئی۔
پولیس نے بتایا کہ ملزم کے بڑے بھائی پاون نے کہا کہ مجھ سمیت ہر کا کوئی فرد بھی تیری شادی کو لے کر سنجیدہ نہیں ہے اور ہم تیرے لیے لڑکی بھی نہیں ڈھونڈ رہے ہیں، تجھے کون اپنی لڑکی دے گا ، جس پر چھوٹے بھائی نے گالیاں دینا شروع کردیں تو بڑے بھائی کو بھی غصہ آگیا اور دونوں کے درمیان تلخ جملوں کا تبادلہ ہوا۔
پولیس نے مزید بتایا کہ ساون نے قریب پڑی اینٹ اٹھاکر بڑے بھائی کو دے ماری جس سے وہ معمولی زخمی ہوا لیکن اس پر بھی اس کا غصہ ٹھنڈا نہ ہوا تو اس نے کرکٹ بیٹ اٹھاکر پاون کو سر پر مارنا شروع کردیا جس سے اس کی حالت غیر ہوگئی اور وہ بے ہوش ہوگیا۔
بعد ازاں وہ خود اپنے بھائی کو اسپتال لے کر گیا اور ڈاکٹرز کو کہا کہ زیادہ شراب پینے کی وجہ سے روڈ پر چلتے ہوئے خود پر قابو نہ رکھ سکا اور چلتی گاڑی سے ٹکرا گیا تاہم پاون دوران علاج دم توڑ گیا۔ پولیس نے تفتیش کے بعد ملزم ساون کو حراست میں لے لیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News