Advertisement
Advertisement
Advertisement
Advertisement

تربت میں تھانے پر حملہ؛ پولیس اہلکار سمیت 4 افراد جاں بحق

Now Reading:

تربت میں تھانے پر حملہ؛ پولیس اہلکار سمیت 4 افراد جاں بحق
حملہ

تربت میں تھانے پر حملہ؛ پولیس اہلکار سمیت 4 افراد جاں بحق

تربت میں مسلح افراد کے حملے میں پولیس اہلکار سمیت 4 افراد جاں بحق ہو گئے۔

تفصیلات کے مطابق بلوچستان کے ضلع تربت کے نواحی علاقے ناصر آباد میں نامعلوم افراد نے تھانے پر فائرنگ کر دی جس کے نتیجے میں ایک پولیس اہلکار سمیت 3 مزدور جاں بحق ہوگئے۔

پولیس کا کہنا تھا کہ جاں بحق ہونے والے تینوں مزدوروں کا تعلق پنجاب کے ضلع مظفر گڑھ سے ہے جبکہ پولیس اہلکار کا تعلق تربت سے ہی ہے۔

پولیس ذرائع نے بتایا کہ مزدور غیر مقامی ہیں، پولیس اہلکار اور مزدوروں کی لاشوں کو اسپتال منتقل کردیا گیا ہے، تاہم جاں بحق ہونے والا پولیس اہلکار مزدوروں کی سیکیورٹی پر تعینات تھا۔

دوسری جانب نگران وزیر اعلیٰ بلوچستان میر علی مردان خان ڈومکی نے تربت میں چار مزدوروں اور ایک پولیس اہلکار کی شہادت پر افسوس کا اظہار کرتے ہوئے کہا کہ دہشت گردی کا واقعہ قابل مذمت اور ناقابل برداشت ہے۔

Advertisement

انہوں نے کہا کہ دنیا کا کوئی مذہب دہشت گردی کی اجازت نہیں دیتا، نہتے مزدوروں کا قتل اندوہناک واقعہ ہے، ملوث عناصر کو کیفرکردار تک پہنچایا جائے گا۔

میر علی مردان نے کہا کہ بلوچستان کی روایت تو مہمان نوازی ہے نہ کہ گھر آئے مہمان کی جان لینا، امن دشمن عناصر ہماری روایات کے بھی دشمن ہیں۔

نگران وزیر اعلیٰ بلوچستان نے وزارت داخلہ و قبائلی امور سے رپورٹ طلب کرلی اور کہا کہ بحالی امن کی کوششوں کو سبوتاژ ہونے نہیں دیں گے۔

انکا کہنا تھا کہ فرائض کی ادائیگی کے دوران بلوچستان پولیس اہلکار نے بھی جام شہادت نوش کیا، بحالی امن کے لئے سیکیورٹی فورسز کے بہادر جوانوں کی قربانیاں رائیگاں نہیں جائیں گی۔

مزید پڑھیں: بھارتی فوج کی ظفر وال سیکٹر میں بلااشتعال فائرنگ ، پاک فوج کا بھر پور جواب

Advertisement

نگران وزیر اعلیٰ نے مزید کہا کہ تمام انتظامی افسران اور سیکیورٹی فورسز جائے وقوعہ پر موجود ہیں، امن دشمن عناصر کی سرکوبی کے لئے آخری حد تک جائیں گے۔

واضح رہے کہ 14 اکتوبر کو بھی بلوچستان کے علاقے تربت میں مسلح افراد نے گھر میں گھس کر سوئے ہوئے 6 مزدوروں کو فائرنگ کرکے قتل کردیا تھا۔

قائم مقام ڈسٹرکٹ پولیس افسر (ڈی پی او) کیچ امام بخش نے بتایا تھا کہ تربت کے علاقے سیٹلائٹ ٹاؤن میں نامعلوم افراد نے مقامی ٹھیکیدار نصیر احمد کے گھر میں گھس کر فائرنگ کی، جس کے نتیجے میں گھر کے مہمان خانے میں موجود 6 مزدور موقع پر جاں بحق اور 2 زخمی ہوئے۔

امام بخش نے بتایا تھا کہ فائرنگ کے نتیجے میں جاں بحق اور زخمی مزدور ٹھیکیدار کے ہاں تعمیراتی کاموں کے سلسلے میں مزدوری کر رہے تھے، واقعے کی اطلاع ملنے پر پولیس نے جائے وقوع پر پہنچ کر ضروری کارروائی اور تفتیش کا آغاز کر دیا تھا۔

Advertisement

 

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

Advertisement

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
چکوال؛ شہری نے بیوی اور چار بچوں کو قتل کر کے خودکشی کرلی
رینجرز کی اندرون سندھ کچے میں کارروائیاں؛ 20 لاکھ ہیڈ منی کا ملزم گرفتار
پولیس نے دہشت گردوں کی پنجاب میں داخلے کی کوشش ناکام بنا دی
لکی مروت کے تھانے پر شدت پسندوں کا حملہ ناکام
کوہاٹ میں دہشتگردوں کا حملہ، پولیس اہلکاروں سمیت 4 افراد شہید
پشاور: جوڈیشل کمپلیکس میں فائرنگ، سی ٹی ڈی اہلکار شہید
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر