سندھ کے نجی اسکول مالکان نے فیسوں میں کمی سے انکارکردیا ہے اور مؤقف پیش کیا ہے کہ ہم خود بہت پریشان ہیں۔
چیئرمین پرائیویٹ اسکولز ایسوسی ایشن سیدطارق شاہ بولے ہم خود پریشان ہیں اس لئے فیس کم نہیں کرسکتے ہیں، حکومت کو ہمیں ریلیف دینا چاہئے۔
دوسری جانب وزیر تعلیم سندھ سعید غنی کہتے ہیں کہ فیسوں میں رعایت نہ دینے والے اسکولز کے خلاف ایکشن لیں گے۔
یاد رہے کہ اس سے قبل سندھ بھر کے تمام نجی اسکولوں میں 2 ماہ کی فیسوں میں 20 فیصد رعایت کا اعلان کردیا گیا ہے جس کا باقاعدہ نوٹیفکیشن بھی جاری کردیا گیا ہے۔
وزیر تعلیم سندھ سعید غنی کی ہدایات پر محکمہ تعلیم کے ڈائیریکٹوریٹ آف پرائیویٹ انسٹی ٹیوشنز نے تمام نجی اسکولوں کو اپریل اور مئی کی فیسوں میں بیس فیصد رعایت کرنے کی ہدایات جاری کردی ہیں۔
سعید غنی نے کہا ہے کہ یہ رعایت کرونا وائرس کے باعث صوبے میں لاک ڈاؤن کی وجہ سے عوام کی سہولت کے پیش نظر دی گئی ہے۔
انہوں نے کہا کہ کچھ روز قبل ہم نے تمام نجی اسکولز کو والدین کو رعایت کی ہدایات دی تھی، تاہم اب تمام طلباء کو 20 فیصد فیسوں میں دو ماہ تک رعایت دینے کی ہدایات دی گئی ہیں۔
سعید غنی نت بتایا کہ نوٹیفکیشن کے مطابق صوبے بھر کے تمام نجی تعلیمی ادارے اپنے تمام طلباء کی فیس میں 20 فیصد لازمی رعایت دیں گے اور یہ رعایت ماہ اپریل اور مئی کی فیسوں میں طلباء کو دی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News