2030 تک ڈیجیٹل لٹریسی پر منتقل ہو جائیں گے، وزیر تعلیم پنجاب
وزیر تعلیم پنجاب رانا سکندر حیات کا کہنا ہے کہ 2030 تک ڈیجیٹل لٹریسی پر منتقل ہو جائیں گے۔
وزیر تعلیم پنجاب رانا سکندر حیات کا کہنا ہے کہ ڈیجیٹل لٹریسی ہی وے فارورڈ ہے،2030 تک ڈیجیٹل لٹریسی پر منتقل ہو جائیں گے، نوجوانوں کو 21 ویں صدی کی اسکلز سے عہدہ برا کرنا انتہائی ضروری ہے۔
انہوں نے کہا کہ 21 ویں صدی کے تقاضوں کے مطابق اہم تعلیمی ریفارمز لا رہے ہیں، گزشتہ 2 ماہ میں 6 ہزار سے زائد بچوں کو گوگل کورسز کروا چکے ہیں، ہمارے ساڑھے 5 لاکھ فری لانسرز اپنی اپنی ٹیکنالوجی اسکلز سے دیگر ممالک کو استفادہ کروا رہے ہیں۔
رانا سکندر حیات کا کہنا ہے کہ ٹیکنالوجی کی اہمیت تسلیم کرتے ہوئے عمومی تعلیم میں ٹیکنیکل کورسز شامل کر رہے ہیں، جلد میٹرک ٹیک اور انٹر ٹیک کا بھی آغاز ہوگا، سرکاری اسکولوں کا انفراسٹرکچر بہتر کرنے پر توجہ دی جا رہی ہے۔
وزیر تعلیم پنجاب نے کہا کہ 2025 تک سرکاری اسکول معیاری اسکول بن چکے ہوں گے، سرکاری اسکولوں کو اس حد تک موثر بنائیں گے کہ سیاستدانوں کے بچے بھی انہی اسکولوں کو ترجیح دیں گے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
