اداکار و گلوکار محسن عباس اور اہلیہ فاطمہ کے درمیان تنازع سے متعلق کیس کی سماعت کے دوران پولیس نے تفتیشی رپورٹ عدالت میں پیش کر دی ہے۔
تفصیلات کے مطا بق اداکار محسن عباس کی عبوری درخواست ضمانت کے معاملے پر تفتیشی رپورٹ عدالت میں جمع کروادی گئی جس میں بیوی کو دھمکیاں دینے میں اداکار کو قصوروارقرارد یاگیا ہے جبکہ امانت میں خیانت دینے کی دفعات خارج کر دی گئیں۔
تفتیشی افسر کی رپورٹ کی بناء پر محسن عباس کے وکلاء نے درخواست ضمانت واپس لے لی ہے۔
محسن عباس نے ایڈووکیٹ عدنان طارق کی وساطت سے عبوری درخواست ضمانت دائر کر رکھی تھی۔
ایڈیشنل سیشن جج عظیم شیخ نے کیس پر سماعت کی، وکیل محسن عباس کا کہنا تھا کہ تفتیشی رپورٹ کے مطابق محسن عباس پر لگائے گئے الزامات ثابت نہیں ہوئے، اسی بناء پر درخواست ضمانت واپس لی ہے۔
اس سلسلے میں ادا کار محسن عبا س کا میڈیا سے با ت چیت کر تے ہو ئے کہنا تھا کہ میرے خلاف کوئی الزام ثابت نہیں ہوا،امانت میں خیانت اور دھمکیاں دینے کے الزامات پولیس تفتیش میں ثابت نہیں ہوئے، پولیس نے میرے خلاف کیس کی تفتیش اعلی سطح پر کی اور میرے کیس کو پو لیس نے انتہا ئی سنجیدگی سے دیکھا۔
محسن کا مزید کہنا تھا کہ بے گناہی کے بعد امید کرتا ہوں کہ شو بز انڈسٹری کے لوگ میرے لیے آواز بلند کریں گے۔
https://www.youtube.com/watch?v=geHTiEnk3W4
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News