اداکار حمزہ علی عباسی کی نیمل خاور عباسی سے شادی کے بعد ایک خاتون نے اُن کی پہلی بیوی ہونے کا دعویٰ کردیا۔
حال ہی میں حمزہ علی عباسی اور نیمل خاور کی شادی کی خبر سوشل میڈیا پرآتے ہی ہر ایک کی توجہ کا مرکز بنی۔
مداحوں نے اِن کی جوڑی کو بے حد پسند کیا اور انہیں شوبز انڈسٹری کا بہترین جوڑا بھی قراردیا ہے۔
حمزہ اور نیمل کی شادی کی خبراب تک سوشل میڈیا پر توجہ کا مرکز ہے وہیں ایک اور خبر نے سوشل میڈیا پر تہلکہ مچا دیا ہے ۔
گزشتہ دِنوں سماجی رابطوں کی ویب سائٹ فیس بُک اور ٹوئٹر پر انیلہ وریمانی نامی خاتون نے دعویٰ کیا ہے کہ وہ حمزہ علی عباسی کی پہلی بیوی ہیں۔
انیلہ وریمانی نے اپنی پوسٹ میں لکھا کہ ’میں حمزہ علی عباسی کی پہلی بیوی ہوں اور حمزہ علی عباسی کا اصل نام جہانزیب خان ہے، مجھ سے نکاح کرنے کے بعد حمزہ علی غائب ہوگئے تھے اور میں 1999 سے اپنے شوہر کو تلاش کر رہی ہوں، اسی دوران حمزہ نے مجھ سے بعض اوقات رقم بھی طلب کی تھی۔
انیلہ کا کہنا ہے کہ حمزہ اور نیمل کی شادی کی خبر کی اطلاع ملتے ہی میں نے حمزہ سے رابطہ کیا جس پر اُنہوں نے مجھے کہا کہ جہنم میں جاؤ۔
انیلہ نے سماجی رابطہ کی ویب سائٹ ٹوئیٹر پر ٹوئٹ کیا کہ ’پولیس کے معاملے میں دخل اندازی کے ڈرکی وجہ سے میں اپنے کزن سے شادی نہیں کرسکی اور مجبور ہو کر کراچی سے اسلام آباد بھاگ گئی اور وہاں جا کر میں نےحمزہ علی عباسی سے شادی کی۔
https://twitter.com/anila_hamza/status/1166933051982712832
دوسری جانب انیلہ وریمانی نے نیمل خاور عباسی کے گزشتہ روز کیے گئے ٹوئٹ پر جواب دیتے ہوئے کہا کہ ’حمزہ پہلے میری زندگی میں تھا، اِس کے ساتھ رہنے کا حق صرف میرا ہے، نیمل تُم نے مجھ سے میرا شوہر چھینا ہے۔‘
https://twitter.com/anila_hamza/status/1166741862784348165
خاتون نے کہا کہ ’قانون کے مطابق شوہر اُس وقت تک دوسری شادی نہیں کر سکتا جب تک وہ اپنی پہلی بیوی کو اُس کے حقوق نہ دے اور حمزہ نے مجھے میرا حق نہیں دیا ہے لہٰذا نیمل تمہیں بھی حمزہ کے ساتھ رہنے کا کوئی حق نہیں ہے۔‘
https://twitter.com/anila_hamza/status/1166933054906089473
انیلہ نے اگلے ٹوئٹ میں نیمل خاور عباسی سے کہا کہ ’نیمل تمہیں نہیں معلوم کہ میں کتنا ڈر گئی تھی اور پھر اسلام آباد گئی تھی۔
https://twitter.com/anila_hamza/status/1166740914334773250
خاتون نے حمزہ اور اُن کی اہلیہ نیمل کو دھمکی دیتے ہوئے کہا کہ ’اگر میرے ساتھ کچھ بھی ہوا تو اُس کے ذمےدار تُم دونوں ہوگے۔
حمزہ علی عباسی نے سماجی رابطے کی ویب سائٹ ٹوئٹر پر رواں سال 17 مارچ کو پی ایس ایل (پاکستان سوپر لیگ) کا فائنل جیتنے پر کوئٹہ گلیڈی ایٹرز کو مبارک باد دی تھی، جس کے جواب میں خاتون انیلہ نے ٹوئٹ کیا تھا کہ ’حمزہ مجھے میرا حق دو، میں تمہاری ذمہ داری ہوں۔‘
https://twitter.com/anila_hamza/status/1107431947624763392
سوشل میڈیا معلومات کے مطابق انیلہ وریمانی عُمرکوٹ کے پی پی ایچ آئی میں ایک میڈیکل افسر ہیں۔
واضح رہے کہ ابھی تک حمزہ علی عباسی کی جانب سے اس خبر کے حوالے سے کوئی رد عمل سامنے نہیں آیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News