شہرقائد میں آئندہ ہفتے معروف گلوکار عاطف اسلم کا کنسرٹ تنازعات کا شکار ہوگیا ہے ، ڈی جی پارکس کا کہنا ہے کہ عاطف اسلم سوشل میڈیا پر عوام کو بتائیں کہ ایسا کچھ نہیں ہورہا۔

تفصیلا ت کے مطابق ڈی جی پارکس آفا ق مرزا نے عوام کو خبردار کیا ہے کہ کلفٹن بیچ پارک اعلان شدہ عاطف اسلم کا کنسرٹ دھوکا ہے اور اس کے سوا کچھ نہیں۔

ان کا کہنا تھا کہ دسمبر کے مہینے میں پاک بحریہ کی مشقیں ہوتی ہیں، اس ماہ میں کسی کو بھی پارک کے استعمال کے لئےاجازت نامے نہیں دئیے جاتے۔

آفاق مرزا نے مزید کہا کہ عاطف اسلم میرا بھی پسندیدہ گلوکار ہے اور ہمارے ملک کا بڑا اسٹار ہے،کراچی والوں سے اور عاطف اسلم سے کہتا ہوں کہ آپ کو بے وقوف بنایا جارہا ہے۔

انہیں معروف گلوکار سے درخواست کی کہ کہ دھوکا ہے، عاطف اسلم سوشل میڈیا پر بتائیں کہ ایسا کچھ نہیں ہورہا۔

ڈی جی پارکس آفاق مرزا کا کہنا تھا کہ عاطف اسلم نے بھی کنسرٹ کی تشہیر کے لیے پوسٹ ڈالی ہے، جس کی وجہ سے کنسرٹ کا ٹکٹ پندرہ سو سے لے کر دس ہزار تک کا فروخت ہورہا ہے اور اب تک ہزاروں ٹکٹس فروخت ہوچکے ہیں۔

دوسری جانب کنسرٹ انتظامیہ یا گلوکار عاطف اسلم کا اس حوالے سے تاحال موقف نہیں لیا جاسکا ہے ، جیسے ہی اس حوالے سے مزید اطلاعات موصول ہوتی ہیں ، یہ خبر اپ ڈیٹ کی جائے گی۔