اداکارہ مہوش حیات کے ٹویٹ پر حکومت نے ایکشن لیتے ہوئے کراچی میں جناح انٹرنیشنل ایئرپورٹ کے واش رومز میں گندگی کا نوٹس لے لیا۔

تفصیلا ت کے مطابق اداکارہ مہوش حیات کی جانب سے کراچی کے جناح انٹرنیشنل ایئرپورٹ پر خواتین کے واش رومز میں گندگی کے حوالے سے کی جانے والی ٹوئٹ پر حکومت نے نوٹس لیتے ہوئے مسئلے کو سامنے لانے پر اداکارہ کا شکریہ ادا کیا ہے۔

یاد رہے اس سے قبل ایئرپورٹ پر خواتین کے واش رومز میں گندگی اور تعفن کے حوالے سے مہوش حیات نے ٹویٹ کیا تھا، اداکارہ  نے اپنی ٹویٹ میں بتایا تھا کہ ایئرپورٹ پر خواتین کے بیت الخلا استعمال کرنے کا اتفاق ہوا جو انتہائی گندگی اور تعفن سے بھرپور تھا یہاں تک کہ واش روم میں لال بیگ بھی دیکھے۔

Disgusting! Had misfortune to use the ladies room at Khi Airport – dirty and stinking. Even saw cockroaches. Not only is it unhygienic but is this the first impression we want to give to people arriving here? These are the most basic amenities – let's clean up our act

Advertisement

— Mehwish Hayat TI (@MehwishHayat) January 24, 2020

ایئرپورٹ کے واش روم میں مہوش حیات نے ایسا کیا دیکھ لیا؟

مہوش نے مزید لکھاکہ ایئر پورٹ کے واش روم کا یہ حال نہ صرف لوگوں کے لیے غیر صحت مند ہے بلکہ جو لوگ بیرون ممالک سے یہاں آتے ہیں ہم انہیں یہ گندگی دکھا کر ان پر اپنے ملک کا پہلا تاثر کیا دینا چاہتے ہیں؟ بیت الخلا کی صفائی بنیادی سہولیات میں سے ایک سہولت ہے۔

واضح رہے کہ مہوش حیات کا شمار پاکستان شوبز انڈسٹری کی ان اداکاراؤں میں ہوتا ہے جو کبھی اپنے دل کی بات کہنے میں ہچکچاتی نہیں۔

مہوش صرف شوبز ہی نہیں بلکہ اس کے علاوہ عوامی،سیاسی ،سماجی موضوعات پر بھی کھل کر گفتگو کرتی ہیں۔