پاکستان کی نامور سابق اداکارہ ،گلوکارہ و میزبان رابی پیرزادہ نے عمرہ کی سعادت بھی حاصل کرلی۔

 تفصیلات کے مطابق سماجی تعلقات کی ویب سائٹ ٹوئٹر پر عمرے کی ادائیگی کےبعد اپنے پیغام میں را بی پیرزادہ نے لکھا کہ مکہ مکرمہ میں مجھے اللہ کا مہمان ہونے کی طرح محسوس ہوتا ہے، میں اسے ہر جگہ دیکھتی ہوں، مجھے اپنے اہل خانہ، اپنے گھر، اپنی پینٹنگز اور میری زندگی یاد نہیں ہے، مجھے جو یاد ہے وہ ایک ایسی جگہ جس میں سانس لے رہی ہوں جس کی میزبانی کری ایٹر کے علاوہ کوئی اور نہیں کرسکتا۔

In Makkah i feel like being a guest of Allah. I see Him everywhere. I don’t remember my family, my home my paintings my life. All I remember is breathing in a place which is hosted by none other than the CREATOR.
I can’t quote any AYAT right now.but only this

لبيك اللهم لبيك

Advertisement

— Rabi Pirzada (@Rabipirzada) January 26, 2020

رابی پیرزادہ نے اپنی ٹو ئٹ میں مزید لکھا کہ میں اس موقع پر کوئی آیت نہیں لکھ سکتی بس اتنا کہوں گی ’ لبيك اللهم لبيك۔

رابی پیرزادہ عمرہ کی سعادت کیلئےسعودی عرب روانہ

ذرائع کے مطابق رابی پیرزادہ مکہ مکرمہ میں عمرے کی سعادت حاصل  کرنے کے بعد مدینہ منورہ جائیں گی جبکہ سعودی عرب میں دو ہفتے قیام کریں گی ۔

ان کا کہنا ہے کہ اللہ کے گھر جانا میری خوش نصیبی ہے اور میں اپنی ذات ، اہل خانہ ،دوستوں اورملک و قوم کیلئے خصوصی دعائیں مانگوں گی ۔

حال ہی میں سابقہ اداکارہ نے غریب بچوں کی تعلیمی اخراجات کا بیڑا بھی اٹھا لیا ہے۔

 واضح رہے کہ گزشتہ سال  رابی پیرزادہ کی کچھ نازیبا تصاویر اور ویڈیوز سوشل میڈیا پر لیک ہوگئیں تھیں جس کے بعد انہوں نےاپنےایک ویڈیو پیغام کے ذریعے شوبز انڈسٹری سے کنارہ کشی کا اعلان کیا تھا اور باقی کی زندگی اسلام کے لیے وقف کرنے کا بھی کہا تھا۔