وسیم اکرم کی اہلیہ نے فواد خان کے ساتھ جوڑی بنالی


شبین رضاویب ایڈیٹر

14th February, 2020

سابق کرکٹر وسیم اکرم کی اہلیہ شنیرا بھی اب فلموں میں کام کریں گی۔

تفصیلات کے مطابق شنیرا اکرم پا کستان کے صف اول کے ہیروفواد خان کے ساتھ  فلم ’منی بیک گارنٹی‘ میں جلو ہ گر ہونگی ،جس کی شو ٹنگ کا بھی آغا ز کر دیا گیا ہے۔

شنیرا اکرم نے سماجی را بطے کی ویب سائٹ انسٹا گرام پر اس فلم سے منسلک کچھ تصاویر پوسٹ کی ہیں جو کہ نا صرف وائرل ہو رہی ہیں بلکہ مدا ح اس فلم کا بھی بے چینی سے انتظار کر رہے ہیں۔

سا بق کرکٹر کی اہلیہ نے اپنی اس پو سٹ کے کیپشن میں لکھا ہے کہ میں اپنی  پہلی پاکستانی فلم کی شوٹنگ کے دوران کچھ پریشان سی ہو رہی تھی۔

شنیرا نے شوٹنگ کا تجربہ شیئر کرتے ہوئے لکھا کہ سیٹ پر گزارے گئے چند دنوں میں مجھے ٹخنوں میں سوجن، راتوں میں شوٹنگ کی وجہ سے نیند کی کمی، زبان میں فرق کا سامنا کرنا پڑا تاہم اس دوران گزرے ہوئے حسین لمحات اور نا قابل فراموش اسٹنٹ نے مجھے خوب تجربے سے روشناس کرایا۔

 فلم ’منی بیک گارنٹی‘ کو معروف کامیڈین اداکار فیصل قریشی نے تحریر کیا ہے جس میں ہدایت کار کے فرائض بھی وہ خود انجام دے رہے ہیں۔

اس فم کی کاسٹ میں فواد خان، میکال ذوالفقار، عائشہ عمر، مانی، جان ریمبو ، حنا دل پذیر اور جاوید شیخ اہم کردار ادا کر رہے ہیں۔

اس پاکستانی فلم کی خاص بات یہ بھی ہے کہ اس فلم میں شنیرا اکرم کے ساتھ سا بق کر کٹر وسیم اکرم بھی ڈیبیو کر رہے ہیں جو کہ اس فلم میں فواد خان کے ساتھ گلوکاری بھی کرتے نظر آئیں گے۔