پاکستان کی مشہور گلوکارہ صنم ماروی کا کہنا ہے کہ شوبز انڈسٹری میں شادیاں ٹوٹنے کی بڑی وجہ جھوٹ ہے۔

تفصیلات کے مطابق صنم ماروی نے اپنے شوہر حامد علی سے خلع لینے کے لیے رواں ماہ کے آغاز میں عدالت میں درخواست دائر کی تھی اور اب انہوں نے اپنا بیان بھی ریکارڈ کروا دیا۔

گلوکارہ کا کہنا ہے کہ میرے لیے شوہرکا ہونا، نہ ہونا برابر ہے، 11 سال سے شوہر کا تشدد برداشت کر رہی ہوں۔

صنم ماروی نے کہا کہ جھوٹ گھرانوں کی تباہی کا بڑاسبب ہے، گولیاں کھا کر مرنے سے بہتر ہے کہ علیحدگی اختیار کر لی جائے۔

 عدالت میں دوران سماعت صنم ماروی نے اپنا بیان ریکارڈ کروایا اور کہا کہ شوبز انڈسٹری میں شادیاں ٹوٹنے کی بڑی وجہ جھوٹ ہے۔

صنم ماروی کے بعد ایک اور گلو کارہ بھی خلع کےلئے عدالت پہنچ گئی

بیان ریکارڈ کرانے کے دوران گلوکارہ کا مزید کہنا تھا کہ وہ اپنے شوہر کے ساتھ مزید رہنا نہیں چاہتی۔

میری درخواست ہے کہ خلع کی ڈگری جاری کی جائے جس کے بعد عدالت نے اپنا فیصلہ محفوظ کرلیا۔

واضح رہے کہہ صنم ما روی کے علاوہ شبنم مجید نے بھی خلع کےلئے عدالت سے رجوع کر لیا ہے۔

سریلی آواز سے درجنوں ہٹ سونگز گانے والی گلو کارہ شبنم مجید کی جانب سے فیملی کورٹ میں دائر کی جانے والی درخواست میں موقف اختیار کیا گیا ہے کہ ان کے شوہر واجد علی نے اپنی سابقہ بیوی سے رجوع کرلیا ہے، اس صورتحال میں وہ سخت پریشان ہیں، شوہر کے ساتھ گزارہ ممکن نہیں۔