پاکستانی اداکارہ منشا پاشا کو سوشل میڈیا پر اُن کے بھارتی مداح نے امن بھرا پیغام دیاہے۔
اداکارہ منشا پاشا نے سماجی رابطے کی ویب سائٹ ٹوئٹر پربھارتی مداح کے کچھ پیغامات کی تصاویر شیئر کیں، ان کی جانب سے شیئر کی جانے والی تصاویر اُس گفتگو کی ہیں جو اُنہوں نے سوشل میڈیا پر اپنے ایک بھارتی مداح سے کی تھی۔
منشا پاشا کی جانب سے گفتگو کی شیئر کی جانے والی تصاویر میں دیکھا جاسکتا ہے کہ اُن کا بھارتی مداح اُن سے کہہ رہا ہے کہ ’میڈم آپ اپنے بہت سے ٹوئٹ میں بھارت کے بارے میں بات کرتی ہیں یہاں میں کچھ کہنا چاہتا ہوں کہ جس طرح پاکستان میں امن پسند لوگ ہیں اِسی طرح بھارت میں بھی بہت سے لوگ ایسے ہیں جو امن پسند ہیں جو یہ چاہتے ہیں کہ دونوں ممالک ایک دوسرے کے ساتھ پیار و محبت کے ساتھ رہیں۔‘
As an actor, we get many messages from the world over and most especially from the other side of the border.
It is always important to remember, a country is not defined by its present goverment; there are millions working, striving for peace. May Allah help them. Ameen. pic.twitter.com/mf3m7X0fTaAdvertisement— manshapasha (@manshapasha) April 17, 2020
بھارتی مداح نے لکھا کہ ’جس طرح پاکستانی بھارتی انٹرٹینمنٹ مواد کو پسند کرتے ہیں اِسی طرح ہم بھی پاکستان کے فن کو دیکھنا پسند کرتے ہیں لیکن بھارت میں کچھ لوگ ایسے ہیں جو دشمن عناصر ہیں جو بد امنی کو فروغ دے رہے ہیں، آپ اُن چند لوگوں کی وجہ سے پورے بھارت کو قصور وار نہ ٹھہرائیں کیونکہ ہم امن چاہتے ہیں۔‘
مداح نے لکھا کہ ’ہم آپ کو اور دیگر پاکستانی فنکاروں کو بہت پسند کرتے ہیں، آپ اپنا خیال رکھیں۔‘
اِس امن بھرے پیغام پر منشا پاشا نے کہا کہ ’مجھے بہت اچھا لگا کہ آپ نے اپنی سوچ کو میرے سامنے رکھا، میں آئندہ اِس بات کا خیال رکھوں گی، میری طرف سے آپ کے لیے بہت سارا پیار اور اپنا خیال رکھیں۔‘
منشا پاشا نے یہ تصاویر ٹوئٹر پر شیئر کرتے ہوئے لکھا کہ ’ایک اداکار ہونے کی حیثیت سے ہمیں دُنیا بھر سے اور خاص طور پر سرحد کے اُس پار سے بہت سارے پیغامات ملتے ہیں۔‘
اداکارہ نے لکھا کہ ’اِس دوران ہمیں ہمیشہ یہ بات رکھنی چاہیے کہ کسی بھی ملک کی حکومت کی وجہ سے اُس ملک کی تعریف یا بُرائی نہیں کی جاتی ہے بلکہ بہت سے ایسے لوگ بھی ہیں جو امن پسند ہیں اور امن و امان کے لیے کام کر رہے ہیں۔‘
اُنہوں نے لکھا کہ ’اللّہ تعالیٰ اُن تمام لوگوں کی مدد فرمائے آمین۔‘
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News