اداکارہ میرا کی ایک اور ویڈیو منظرِ عام پر آگئی۔

تفصیلات کے مطابق اداکارہ میرا نے نیو یارک سے جاری کردہ ویڈیو پیغام میں وزیر اعظم پاکستان سے اپیل کی انہیں ان کے وطن واپس بلایا جائے اور کہا کہ وہ ہوٹل میں موجود ہیں۔

 جبکہ دوسری جانب سے نیویارک میں میرا اپنے مبینہ شوہرکیپٹن نوید کے ہمراہ خوب لطف اٹھا رہی ہیں۔

اداکارہ میرا نے نیویارک سے جاری ویڈیو پیغام میں کہا کہ وہ نہیں چاہتی کہ انہیں کسی دوسرے ملک میں موت آئے۔

انہوں نے بتایا کہ وہ ایک ہوٹل کے کمرے میں قید ہو کر رہ گئیں ہیں اور انہیں وزیر اعظم کی مدد کی ضرورت ہے ۔

دوسری جانب ایسی ویڈیوز سامنے آ گئیں جن میں اداکارہ میرا کیپٹن نوید کے ہمراہ ان کے گھر میں باربی کیو سے لطف اٹھاتی بچوں بڑوں کے ساتھ انجوائے کررہی ہیں ۔

کیپٹن نوید کے والد راجا پرویز کا کہنا ہے کہ میرا تو دو ماہ سے ان کے گھر میں ہی ہیں۔

انہوں نے مزید کہا کہ وہ ایسی ویڈیوز جاری کر کے بےعزتی کروانے میں کوئی کسر نہیں چھوڑتیں۔

اداکارہ ریشم کے مطابق 3 روز پہلے ان کی ویڈیو کانفرنس پر میرا سے بات ہوئی، کیپٹن نوید بھی ساتھ تھے۔

واضح رہے کہ اداکارہ میرا اپنے مبینہ شوہر کے ہمراہ شوبز کی دیگر شخصیات کے ساتھ ویڈیو کالز پر بھی رابطے میں ہیں۔