پاکستان کے ناموراداکار یاسر حسین نے سرکاری ٹی وی کو مشورہ دے دیا۔

تفصیلات کے مطابق اداکار یاسر حسین نے سماجی رابطے کی ویب سائٹ انسٹٓاگرام پر اسٹوری لگائی جس میں انہوں نے پاکستان ٹیلیوژن کو مشورہ دیا کہ ہمارے سرکاری ٹی وی کو چاہیے کہ اپنے فنکاروں کا استعمال کرتے ہوئے تاریخ پر مبنی ڈرامہ بنائے۔

اداکار یاسر نے کہا کہ سرکاری ٹی وی اُن فنکاروں سے کام لے جن کے پاس اداکاری کی قابل صلاحیت ہے اور جو اِس ملک میں رہنے کے لیے ٹیکس بھی ادا کرتے ہیں۔

یاسر نے انسٹاگرام اسٹوری میں ترکش ڈراموں کے نشر ہونے پر تنقید بھی کی۔

اداکار نے کہا کہ لنڈے کےکپڑے اور ترکش ڈرامے دونوں ہی ہماری مقامی انڈسٹری کو تباہ و برباد کردیں گے۔

انہوں نے مزید کہا کہ جب  آپ کے پیاروں کو اُن کی نوکری سے نکال کر اُن کی جگہ تُرک لوگوں کو نوکری دی جائے گی تو شاید اُس وقت آپ کو میری باتیں ٹھیک لگیں گی۔

یاس نے ید دہانی کرواتے ہوئے کہا کہ یاد رکھیں کہ پاکستان ٹیلیوژن نیٹ ورک ایک سرکاری ٹی وی ہے۔

یاد رہے کہ تُرک سیریز ’دیرلیش ارطغرل‘ کو وزیر اعظم عمران خان کی ہدایت پر اُردو زبان میں ڈب کرکے سرکاری ٹی وی پر نشر کیا جارہا ہے۔

واضح رہے کہ جہاں تُرک سیریز کے پاکستان میں نشر کیے جانے پر کچھ پاکستانی فنکار خوش نظر نہیں آرہے ہیں وہیں کچھ فنکار ایسے بھی ہیں جو ’دیرلیش ارطغرل‘ کے پاکستان میں نشر کیے جانے پر بےحد خوش ہیں۔

۔