پاکستان کی معروف فیشن ڈیزائنر ماہین خان نے آئندہ مستقبل میں پی آئی اے میں سفر نہ کرنے کا اعلان کرتے ہوئے کہا ہے کہ پی آئی اے کو سفارشی ٹولا چلا رہا ہے ۔
سماجی رابطے کی ویب سائٹ ٹوئٹر پر فیشن ڈیزائنر نے اپنی ٹوئٹ میں لکھا کہ گزشتہ 30 سال میں پی آئی اے میں سیاسی بھرتیاں کی گئیں اور اپنے ہی رشتہ داروں کو ملازمتیں دی گئیں۔
For over 30 years jobs have been given in PIA to political favourites or their relatives .Shocking that a airline is run by "sifarashies." Shameful disregard for lives alive or not as seen in the way the bereaved families are being treated after the crash
— Maheen Khan (@Maheenkhanpk) June 1, 2020
ماہین نے مزید لکھا کہ وہ حیران ہیں کہ کس طرح پی آئی اے کو سفارشی ٹولے کے ذریعے چلایا جا رہا ہے۔
انہوں نے اپنی ٹوئٹ میں حال ہی میں کراچی میں ہونے والے پی آئی اے کے طیارہ حادثے کا ذکر بھی کیا اور کہا کہ یہ شرمناک ہے کہ حادثے میں چلے جانے والے افراد کے اہل خانہ کے ساتھ برا سلوک کیا جا رہا ہے۔
ا س کے علاوہ ماہین خان نے کراچی طیارہ حادثے میں جاں بحق ہونے والےایک شخص کی بہن کی ویڈیو بھی ٹوئٹ کی، جس میں وہ اپنے بھائی کی لاش وصول کرنے میں درپیش مشکلات پر بات کرتی دکھائی دیں۔
Shame ! Shame @Official_PIA Shame @SindhCMHouse Shame Federal government https://t.co/i7lUTE503W
Advertisement— Maheen Khan (@Maheenkhanpk) June 1, 2020
واضح رہے کہ 22 مئی کو لاہور سے آنے والا پی آئی اے کا طیارہ اے 320 کراچی کے جناح انٹرنیشنل ایئرپورٹ کے قریب آبادی پر گر کر تباہ ہوا تھا۔
طیارے میں مسافر اور عملے کے ارکان سمیت 99 افراد سوار تھے، جس میں سے 97 جاں بحق ہوگئے تھے جب کہ 2 مسافر معجزانہ طور پر بچ گئے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News