معروف گلوکار علی ظفر کی جانب سے مالی مشکلات کا شکار پنجاب بھرکے موسیقاروں کی عید سے قبل مالی امداد کی گئی۔

تفصیلات کے مطابق معروف گلوکار علی ظفر کی جانب سے صوبے بھر کے 250 خاندانوں میں علی ظفر فائونڈیشن کی جانب سے کیش تقسیم کیا گیا۔

لاک ڈائون کی وجہ سے میوزک انڈسٹری سے وابسطہ افراد مشکلات کا شکار ہوئے تو گلوکارعلی ظفر اپنی کمیونٹی کی مدد کے لیے میدان میں آگئے، عید سے قبل پنجاب سے تعلق رکھنے والے موسیقاروں میں 10 لاکھ روپے کی امدادی رقم تقسیم کی گئی۔

علی ظفر فائونڈیشن کے نمائندے محمد طاحہ نے کہا کہ اب تک علی ظفر فائونڈیشن کی جانب سے  250 خاندانوں میں 4 ،4 ہزار کی رقم تقسیم کی گئی۔

علی ظفر کی اہلیہ عائشہ فاضل کی جانب سے شوہر کے لیے محبت بھرا پیغام جاری

علی ظفر فاؤنڈیشن کے نمائندے محمد طہہ نے مزید کہا کہ لاک ڈاؤن کے آغاز سے ہی مستحق افراد کی مدد کا سلسلہ جاری ہے، حکومت سے بھی مالی مشکلات کا شکار فنکاروں کا ڈیٹا شیئر کیا ہے۔

موسیقاروں کا کہنا تھا کہ عید سے قبل ملنے والی مالی امداد سے ان کی مشکلات کسی حد تک کم ہونگی۔

موسیقاروں کا مزید کہنا تھا کہ علی ظفر درد دل رکھنے والے سچے فنکار ہیں اور مشکل کی اس گھڑی میں جس طرح سے انہوں نے ہمارا ساتھ دیا ہے اس کی کوئی دوسری مثال نہیں ملتی۔