ٹک ٹاک کو پاکستان میں بند کردیا گیا
پاکستان ٹیلی کام اتھارٹی (پی ٹی اے) نے موبائل ایپلیکیشن ٹک ٹاک...
معروف ٹک ٹاک اسٹار حریم شاہ نے وزیر اعظم عمران خان سے ٹک ٹاک پر سے پابندی ہٹانے کا مطالبہ کردیا۔
موبائل ایپلیکیشن ٹک ٹاک پہ پابندی پر کراچی پریس کلب میں ٹک ٹاک اسٹار حریم شاہ کا پریس کانفرنس کرتے ہوئے کہنا تھا کہ حکومت کو ٹک ٹاک پہ پابندی لگانے کی ضرورت نہیں تھی۔
حریم شاہ نے کہا کہ پاکستان ٹیلی کمیونیکیشن کی جانب سے پاکستان میں ٹک ٹاک ایپ پر پابندی لگانے کی وجہ بے حیائی بتائی گئی ہے جبکہ یہ بے بنیاد بات ہے اور یہ کوئی پختہ وجہ نہیں ہے جس کی بنیاد پر پابندی لگائی گئی ہے۔
انہوں نے کہا کہ ٹک ٹاک کی انتظامیہ ایسے لوگوں پر خود ہی پابندی لگا دیتی ہے، اس کے لیے ایپ کو بین کرنے کی ضرورت نہیں تھی۔
ٹک ٹاک اسٹار نے کہا کہ ایسے بہت سے سینسر بورڈ جیسے ادارے موجود ہیں جو بے حیائی پھیلانے والے افراد کے خلاف کارروائی کرسکتے ہیں۔
حریم شاہ نے کہا کہ ان ایپ کے ذریعے لوگوں کا ٹیلنٹ ابھر کر سامنے آتا ہے، خان صاحب سے اپیل ہے کہ اس پر سے پابندی ہٹائی جائے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News