فرحان سعید اور عروہ حسین کے درمیان علیحدگی ہوگئی؟


ویب ڈیسکویب ایڈیٹر

24th November, 2020
Square ad 300 x 250

پاکستان کے سب سے زیادہ پیارے  اور مشہور جوڑے فرحان سعید اور عروہ حسین کے درمیان علیحدگی ہوگئی ہے۔

چند برس قبل نکاح کے بندھن میں جڑنے والے فرحان سعید اور عروہ حسین  کی اب علیحدگی کی خبریں متعدد ویب سائٹ پر جاری ہوچکی ہیں جس میں کہا جا رہا ہے کہ دوںوں شخصیات نے باہمی رضامندی سے علیحدگی اختیار کرنے کا فیصلہ کرلیا ہے۔

 یہ بھی دعویٰ کیا گیا ہے کہ تین سال تک رشتہ ازدواج میں منسلک رہنے والے فرحان سعید اور عروہ حسین کے درمیان اب اختلافات کافی بڑھ چکے ہیں لیکن اب تک دونوں شخصیات کی جانب سے کوئی تردید یا تصدیق سامنے نہیں آئی۔

مقامی ذرائع ابلاغ کی رپورٹ کے مطابق  جوڑے نے شادی کے تین سال بعد باہمی طور پر علیحدگی کا فیصلہ کیا ہے۔

ذرائع نے انکشاف کیا ہے کہ ان کی علیحدگی کی وجوہات دونوں کے مابین بڑھتے ہوئے تناؤ اور متضاد اختلافات بنے ہیں ۔

ان دونوں کی جانب سے باضابطہ بیان میں ابھی تک اس خبر سے متعلق کوئی وضاحت نہیں کی گئی ہے۔

یاد رہے کہ  نامور ٹی وی اداکارہ عروہ حسین اور گلوکار فرحان سعید کی شادی دسمبر 2016 میں ہوئی تھی۔

دونوں کے نکاح کی تقریب بادشاہی مسجد میں منعقد ہوئی  تھی    جس  میں دونوں کے قریبی دوستوں اور اہل خانہ نے شرکت کی  تھی۔

 نکاح کی تقریب میں عروہ حسین نے گھاگرہ پہن رکھا تھا جبکہ گلوکار فرحان سعید نے سفید قمیض اور ٹراؤزر زیب تن کیا ہوا تھا۔