پاکستان سمیت دنیا بھر میں میوزک سے دلچسپی رکھنے والے افراد کا انتظار ختم ہوگیا۔

بول انٹرٹینمنٹ  کے منفرد میوزک شو ’بول بیٹس‘ کا معروف گلوکار نعیم عباس روفی نے مشہور نعت’شاہ مدینہ‘ سے آغاز کیا۔

نعیم عباس روفی 1990 کی دہائی کے اوائل میں پاکستانی ٹیلی ویژن اور فلم انڈسٹری میں گلوکار کے طور پر ابھرے۔

نعیم عباس روفی کے اب تک تین البم جاری ہوچکے ہیں جس میں سے ایک میں انہوں نے عالمی شہرت یافتہ پاکستانی قوال و گلوکار نصرت فتح علی خان کو خراج تحسین پیش کیا۔

بول انٹرٹینمنٹ کے منفرد شو ’بول بیٹس‘ میں لوگ سن سکیں گے اپنے پسندیدہ گلوکاروں و گلوکاراؤں کی سریلی آوازیں۔

واضح رہے کہ بول کفارہ(یوٹیوب پر آٹھ کروڑ سے زائد ویوز) اور ربا وے(یوٹیوب پر ایک کروڑ40 لاکھ سے زائد ویوز) پاکستان کے چند کامیاب ترین گانوں میں سے ہیں جو بول نیٹ ورک کی جانب سے ریلیز کیے گئے۔