دنیا بھر میں کروڑوں چاہنے والوں کو اپنی سحر انگیز آواز سے دیوانہ بنانے والے پاکستانی گلوکارعاطف اسلم نے اپنے نئے گانے رات کی پہلی مختصر جھلک جاری کرکے اپنے فینز کا انتظار مزید بڑھا دیا ہے۔

تفصیلات کے مطابق گلوکار عاطف اسلم نے گزشتہ روز  انسٹاگرام اکاؤنٹ پر اپنے آنے والے نئے گانے ‘رات’ کی جھلک شیئر کی جس میں ان کے ساتھ خوبرو اداکارہ سائرہ یوسف نظر آرہی ہیں۔

اپنی پوسٹ کے کیپشن میں عاطف اسلم نے لکھا کہ مزید تفصیلات کے لیے میرے یوٹیوب چینل کو سسکرائب کریں۔

عاطف اسلم کی جانب سے اس گانے کی ریلیز کی تاریخ کا اعلان نہیں کیا گیا تاہم اس گانے کی ویڈیو کی ہدایت کاری یاسر جسوال نے دی ہے۔