معروف یوٹیوبر و کاروباری شخصیت جیفری اسٹار کی گاڑی کو حادثہ پیش آیا ہے۔
غیر ملکی خبر رساں ادارے کے مطابق امریکی یوٹیوبر جیفری اسٹار امریکی ریاست وائیومنگ میں کار حادثے کے نتیجے میں زخمی ہونے کے بعد اسپتال میں داخل ہیں۔
https://twitter.com/JeffreeStar/status/1383120371235266560
کیسپر کے علاقے میں ان کی گاڑی کو حادثہ پیش آیا تھا اور ان کی رولز رائز کار الٹ گئی تھی ۔
حادثے کے وقت جیفری کے دوست ڈینیئل لوکس بھی گاڑی میں موجود تھے ، وہ بھی حادثے میں زخمی ہوئے ہیں۔
This morning was one of the scariest moments of our entire lives. I’m so grateful to be here still.
I’m in excruciating pain because part of my back is broken and I have vertebrae fractures on my spine.
My doctor said it will take a few months but I should make a full recovery.— Jeffree Star (@JeffreeStar) April 17, 2021
حادثے سے متعلق جیفری کے آفیشل ٹوئٹر اکاؤنٹ سے اسپتال کے بستر پر موجود تصویر شیئر کرتے ہوئے بتایا گیا ۔
ٹوئٹ پیغام میں لکھا تھا کہ چند گھنٹے قبل جیفری اسٹار اور ڈینیئل کا ایکسیڈنٹ ہوا تھا اور ان کی گاڑی نے 3 مرتبہ قلابازی کھائی تھی۔جیسے ہی ڈاکٹرز مزید معلومات دیں گے ہم آپ کو آگاہ کرتے جائیں گے، شکر ہے کہ وہ دونون زندہ ہیں۔
https://twitter.com/JeffreeStar/status/1383211073742929921
جیفری اسٹار نے ٹوئٹ میں مزید کہا کہ آج کی صبح ہماری زندگیوں کے خوفناک ترین لمحات میں سے ایک تھی، میں یہاں موجود ہونے پر بہت شکر گزار ہوں۔ انہوں نے کہا کہ کمر کا کچھ حصہ متاثر ہونے کی وجہ سے میں بہت زیادہ تکلیف میں ہوں اور میری ریڑھ کی ہڈی فریکچر ہوئی ہے۔
ٹوئٹ میں مزید کہا گیا کہ میرے ڈاکٹر کا کہنا ہے کہ مجھے مکمل طور پر صحتیاب ہونے میں چند ماہ لگیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News