پاکستانی اداکارہ میرا ایک مرتبہ پھر امریکا جا کر مشکل میں پھنس گئیں۔
تفصیلات کے مطابق پاکستان کی سپر اسٹار میرا مینٹل اسپتال پہنچ گئیں ہیں۔
اس حوالےسے اداکارہ کی والدہ شفقت زہرا بخاری کا کہناہے کہ 3 اپریل کو میرا نے گھبرا کر امریکا سے فون کیا ہے کہ مجھے پاگل خانے داخل کروادیا گیا ہے۔
والدہ میرا کا کہناہے کہ مجھے معلوم نہیں میری بیٹی کو کس نے پاگل خانے داخل کروایا ہے۔
شفقت زہرا نے کہا کہ میری بیٹی کے خلاف سازش کرنے والے بہت لوگ ہیں، میرا کس حالت میں ہے کچھ معلوم نہیں۔
اداکارہ کی والدہ نے وزیراعظم عمران خان سے اپیل کرتے ہوئے کہا ہے کہ میری بیٹی کو وطن واپس لایا جائے۔
ذرائع کا کہنا ہے کہ اداکارہ میرا کو امریکی ڈاکٹر کے ساتھ بدتمیزی کرنے اور پروٹوکول مانگنے پر پاگل قراردیا گیا ہے۔
ذرائع نے بتایا کہ اداکارہ میرا کورونا ویکسینیشن کے بعد بخار میں مبتلا ہوئیں تو دوبارہ روٹین چیک اپ کیلئے ڈاکٹر کے پاس گئیں اور وہاں میڈیکل ٹیم سے اوٹ پٹانگ باتیں شروع کر دیں۔
اداکارہ میرا نے ڈاکٹر کو کہا کہ مجھے پاکستانی وزیراعظم تک پروٹوکول دیتا ہے یہاں تک کہ سینیٹ کی نشست کیلئے تحریک انصاف کی جانب سے پیشکش بھی کی جاچکی ہے، کیا آپ جانتے نہیں کہ میں کون ہوں؟ میرا وی آئی پی طور پر چیک اپ کیا جائے۔
ذرائع کے مطابق پاکستانی اداکارہ کی بدتمیزی بڑھی تو ڈاکٹر نے انہیں وارننگ دیتے ہوئے کہا کہ آپ شوبز اسٹار ہونگی، مگر میں اصول کے مطابق ہی مریضوں کو ڈیل کرتا ہوں۔
ڈاکٹر کی وارننگ کے باوجود اداکارہ کی جانب سے بدتمیزی جاری رہی تو ڈاکٹر نے ذہنی امراض کے سینٹر فون کرکے عملے کو طلب کرلیا۔
ذرائع کے مطابق امریکی ذہنی امراض کے سینٹر نے اداکارہ میرا کو پاگل قرار دیدیا ہے اور اس سلسلے میں وہ گزشتہ دو روز سے میڈیکل سینٹر میں ہی موجود ہیں۔
ذرائع کا کہنا ہے کہ تمام صورتحال کو دیکھتے ہوئے اداکارہ میرا نے اپنی غلطی تسلیم کر لی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News