منمن دت عرف ببیتا بھابھی کے خلاف مقدمات درج

ویب ڈیسکویب ایڈیٹر

31st May, 2021. 04:05 pm

بھارت کے ایک مزحیہ ڈرامہ سیریل میں کام کرنے منمن دت نامی اداکارہ جنہیں ببیتا بھابھی کے بولڈ کردار سے جانا جاتا ہے، ان کے خلاف مقدمات دائر کردیئے گئے ہیں۔

میڈیا رپورٹس کے مطابق ببیتا بھابھی کا کردار ادا کرنے والی اداکارہ کے خلاف نچلی ذات کے ہندوؤں کے خلاف بات کرنے پر مقدمہ دائر کردیا گیا ہے۔

خیال رہے کہ چند روز قبل اداکارہ کی ایک ویڈیو سامنے آئی تھی جس میں یہ کہتی نظر آئی کہ وہ اچھی طرح سے میک اپ کرکے خوبصورت نظر آنا چاہتی ہیں، وہ کسی ’بھنگی‘ کی طرح نظر نہیں آنا چاہتی۔

ببیتا بھابھی کی جانب سے لفظ ’بھنگی‘ استعمال کیے جانے پر نچلی ذات کے ہندوؤں نے اعتراض کرتے ہوئے اسے اپنی توہین قرار دیا تھا اور ان کے خلاف سوشل میڈٰیا پر بھی مہم شروع ہوگئی تھی۔

لوگوں کی جانب سے تنقید کیے جانے کے بعد اگرچہ اداکارہ نے ویڈیو ڈیلیٹ کرتے ہوئے معافی بھی مانگی تھی، تاہم اس کے باوجود ان کے خلاف ذات پات پر بات کرنے کی دفعات کے تحت مقدمات دائر کروادیے گئے۔

Adsense 300×250