یاسر حسین ایک بار پھر شدید تنقید کا شکار

کلثوم ہرا

24th Jun, 2021. 10:29 pm

پاکستان کے معروف اداکار و میزبان یاسر حسین کی جانب سے سوشل میڈیا پر ایک تصویر شیئر کی گئی ہے جس پر اُنہیں تنقید کا سامنا ہے۔

تفصیلات کے مطابق شوبز انڈسٹری کے متنازع اداکار یاسر حسین ٹی وی پر اپنے متنازع بیانات کے سبب زیادہ جانے جاتے ہیں۔

یاسر حسین سوشل میڈیا پر کافی متحرک نظر آتے ہیں لیکن ان کی جانب سے جاری کیے گئے زیادہ تر بیانات تنقید کی زد میں رہتے ہیں۔

یاسر حسین نے ایک تصویر انسٹا گرام اکاؤنٹ پر شیئر کی تھی جو کہ بلیک اینڈ وائٹ ہے اور تصویر میں یاسر حسین کو سیگریٹ پیتے ہوئے دیکھا جا سکتا ہے۔

انہوں نے کیپشن میں لکھا کہ ’تمباکو نوشی صحت کے لئے مضر ہے، میں بھی نہیں پیتا، آپ بھی مت پینا۔‘

مداحوں کا کہنا ہے کہ یاسر حسین چاہے سگریٹ نہیں پیتے ہیں مگر انہیں سگریٹ پیتے ہوئے کی تصویر اپلوڈ نہیں کرنی چاہئیے تھی۔

سوشل میڈیا صارفین کا کہنا ہے کہ زیادہ تر لوگ نصیحت سنتے کم ہیں اپنے سلیبریٹیز کو دیکھ کر نقل زیادہ کرتے ہیں۔

واضح رہے کہ اُن کے ہزاروں مداح بھی ہیں جو انہیں بے حد پسند کرتے ہیں۔

 

Square Adsence 300X250