پاکستان کی معروف ٹاک ٹاک اسٹار حریم شاہ نے اپنی شادی کے متعلق بتایا ہے کہ ان کے شوہر عمر میں بڑے ہیں اور پہلے سے شادی شدہ بھی ہیں۔

رپورٹس کے مطابق حریم شاہ نے بتایا ہے  کہ ان کے شوہر نے اپنی پہلی بیوی کو منانے کے لئے ایک ہفتے کا وقت مانگا ہے جس کے بعد وہ اپنی شادی کی تصاویر منظر عام پر لائیں گی اور اپنے شوہر کا نام بھی تب ہی بتائیں گی۔

حریم شاہ نے اپنے شوہر کے متعلق بتاتے ہوئے کہا ہے کہ وہ نہ صرف رکن اسمبلی ہیں بلکہ صوبائی وزیر اور متحرک سیاستدان بھی ہیں، وہ ہمیشہ عوام کے حقوق کے لئے بات کرتے دکھائی دیتے ہیں۔

انہوں نے اپنے شوہر کی وزارت اور انتخابی حلقے کی تفصیلات سمیت ان کا آبائی ضلع یا علاقہ بتانے سے بھی گریز کیا لیکن بتایا کہ صوبائی دارالحکومت میں مقیم ہیں۔

البتہ اپنی ازدواجی زنگی کے حوالے سے بتایا ہے کہ وہ 4 جولائی کو  ہنی مون پر جارہی ہیں جس کے لئے ترکی کا انتخاب کیا گیا ہے۔

حریم شاہ کے مطابق ان کی صوبائی وزیر سے شادی سے متعلق پیپلز پارٹی کی اعلیٰ قیادت کو علم نہیں ہوگا لیکن ان کے قریبی دوستوں اور پارٹی رہنماؤں کو علم ہے۔

ٹک ٹاک اسٹار نے بتایا کہ ان کی شادی میں پیپلز پارٹی کی ایک خاتون سینیٹر نے بھی شرکت کی تھی اور وہ بھی ان کے شوہر کی قریبی دوستوں میں سے ایک ہیں۔

[amazonad category=”Mobile”]