بالی ووڈ کے اداکار، لکھاری اور خود ساختہ نقاد کمال رشید خان نے کہا ہے کہ دیدی کنگنا رناوت کی اندرا گاندھی کی زندگی پر بنائی جانے والی فلم ایمرجنسی ان کی مسلسل بارہویں ناکام فلم ہوگی۔

غیر ملکی خبر رساں ادارے کے مطابق کمال رشید خان عرف کے آر کے نے ٹوئٹ میں پیش گوئی کرتے ہوئے کہا کہ کنگنا رناوت کی فلم ایمرجنسی مقتولہ وزیراعظم اندرا گاندھی کی زندگی پر بنائی جارہی ہے۔

[amazonad category=”Auto”]

ٹوئٹ کے مطابق ڈائریکٹر مدھور بھنڈارکر نے اندرا گاندھی پر فلم اندو سرکار بنائی اور کتا بھی دیکھنے نہیں گیا، اب دیدی کنگنا رناوت اسی موضوع پر فلم بنارہی ہیں اس کا مطلب یہ ہوا کہ وہ بارہویں ناکام فلم بنانا چاہتی ہیں ان کی پچھلی گیارہ فلمیں سپر فلاپ ہوئی ہیں۔

واضح رہے کہ کنگنا نے فلم کوئن جس کا باکس آفس پر سو کروڑ کا بزنس رہا، اس کے بعد انھوں نے دس فلموں میں کام کیا جبکہ اس سے قبل ان کی 2015 کی فلم تنو ویڈ منو نے 243 کروڑ کا بزنس کیا اور یہ کنگنا کی سب سے بڑی ہٹ فلم تھی۔