پاکستان کی مشہور اور معروف ٹک ٹاک اسٹار جنت مرزا کی جانب سے ان کی شادی کی تاریخ کا اعلان کردیا گیا ہے۔
حال ہی میں ٹک ٹاک اسٹار نے اپنے مداحوں کے ساتھ سوال جواب کے ایک سیشن کا انعقاد کیا تھا۔
اس سیشن کے دوران ایک مداح نے جنت مرزا سے انکی شادی کی تاریخ کے حوالے سے سوال کیا ۔
اس سوال کے جواب میں ٹک ٹاک اسٹار نے اپنی شادی کی تاریخ بتاتے ہوئے کہا کہ ’انشاء اللہ، 2 سال میں ڈگری مل جائیگی، اس کے بعد شادی کرلوں گی۔‘
واضح رہے کہ گزشتہ دنوں سوشل میڈیا پر یہ خبر وائرل ہوئی تھی کہ جنت مرزا نے عُمر بٹ سے منگنی کرلی ہے جس کے بعد ٹک ٹاک اسٹار نے اس خبر کی تردید کردی تھی۔
اس خبر کے سوشل میڈیا پر وائرل ہونے کے بعد جنت مرزا نے ایک نجی خبر رساں ادارے کو انٹرویو دیتے ہوئے کہا تھا کہ ’الحمداللّہ! عُمر بٹ اور میری بات پکّی ہوگئی ہے لیکن ابھی منگنی کی کوئی باقاعدہ رسم نہیں ہوئی ہے۔‘
خیال رہے کہ جنت مرزا ویڈیو شیئرنگ ایپلیکیشن ٹک ٹاک پر سب سے زیادہ 16 ملین فالوورز رکھنے والی پہلی پاکستانی ٹک ٹاک اسٹار ہیں۔
پاکستان کے شہر فیصل آباد سے تعلق رکھنے والی جنت مرزا نے ملک کی نمبر ون ٹک ٹاک ماڈل ہونے کا اعزاز بھی اپنے نام کر رکھا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News