اداکارہ مایا علی باڈی شیمنگ پر بات کرنے والوں کو آڑے ہاتھوں لے لیا

کلثوم ہرا

31st Jul, 2021. 09:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکارہ مایا علی باڈی شیمنگ پر بات کرنے والوں کو آڑے ہاتھوں لے لیا

معروف اداکارہ مایا علی نے باڈی شیمنگ پر بات کرنے والوں کو آڑے ہاتھوں لے لیا۔

اداکارہ نے حال ہی میں دیے گئے ایک انٹرویو میں ناقدین کے حوالے سے گفتگو کی۔

مایا علی نے کہا کہ لوگ ویسے تو مذہب اور اسلام کی بات کرتے ہیں لیکن ہم کوئی لباس پہنیں یا کوئی بھی بات کہہ دیں تو دوسرے لوگ کہنا شروع ہوجاتے ہیں کہ یہ ہمارے مذہب کا حصہ نہیں ہے۔

اداکارہ نے کہا کہ جس ذات نے پوری دنیا میں موجود لوگوں کو بنایا ہے، کسی کا گہرا رنگ ہے، کسی کا ہلکا رنگ ہے، کوئی موٹا ہے اور کوئی دبلا ہے، کسی کے بال لمبے ہیں تو کسی کے چھوٹے ہیں۔

انہوں نے کہا کہ باڈی شیمنگ کر کے ہم لوگوں پر سوال نہیں بلکہ انسان کو پیدا کرنے والے پر سوال کر رہے ہوتے ہیں۔

اداکارہ کا کہنا تھا کہ باڈی شیمنگ صرف موٹاپا نہیں ہوتا بلکہ لوگوں کو یہ کہنا کہ آپ بہت پتلی ہوگئی ہیں یہ بھی تکلیف دہ ہوسکتا ہے، ہر انسان اس دنیا میں خوبصورت ہے۔