شوبز انڈسٹری کی مقبول ترین ماڈل و اداکارہ علیزے گبول نے معروف صنعت کار کے بھتیجے سے شادی کے حوالے سے خبریں منظرِ عام پر آنے کے بعد اپنے انسٹاگرام اکاؤنٹ کو پرائیوٹ کردیا۔
تفصیلات کے مطابق انسٹاگرام اکاؤنٹ پرائیوٹ کرنے سے اب انہیں کوئی فالو نہیں کرسکے گا، انہیں فالو کرنے کے خواہشمندوں کی ریکوسٹ اگر اداکارہ قبول کریں گی تو وہ اُن کا اکاؤنٹ دیکھ سکیں گے۔
متعدد میڈیا ویب سائٹس پر علیزے گبول کے شوہر کے حوالے سے یہ خبریں زیرِ گردش تھیں کہ انہوں نے معروف صنعت کار کے بھتیجے سے شادی کرلی ہے۔
یاد رہے کہ رواں برس ماہِ فروری میں اداکارہ نے اپنی چند تصاویر شیئر کرتے ہوئے بتایا تھا کہ ان کی زندگی کی نئی شروعات ہونے جارہی ہے۔
خیال رہے کہ ماڈل و اداکارہ علیزے گبول اس سے قبل اُسامہ نامی شخص کے ساتھ رشتہ ازدواج میں منسلک ہوئی تھیں جن سے ان کی ایک بیٹی میرال ہے۔
علیزے گبول کی پہلی شادی نامعلوم وجوہات کی بناء پر ایک سال کے مختصر عرصے میں ہی اختتام پذیر ہوگئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News