پاکستان کے لیجنڈری کامیڈین عمر شریف کے لئے امریکہ سے آنے والی ایئر ایمبولینس کو پاکستان آنے کی اجازت دے دی گئی ہے۔
تفصیلات کے مطابق سول ایوی ایشن اتھارٹی(سی اے اے) کی جانب سے عمر شریف کے لیے ایئر ایمبولینس کو پاکستان آنے کی اجازت دے دی گئی ہے۔
اس حوالے سے سی اے اے کا کہنا ہے کہ عمر شریف کے لئے امریکہ سے آنے والی ایئر ایمبولینس 26 ستمبر کی رات 11 بجے کراچی ایرپورٹ لینڈ کرے گی۔
سی اے اے نے بتایا ہے کہ ائر ایمبولینس میں کپتان کے ہمراہ 5 کریو کا عملہ بھی پاکستان آئے گا اور ایمبولینس کا کال سائن IFA-1264 ہے۔
سی اے اے کی جانب سے ایئرایمبولینس کے لئے اجازت نامہ بھی جاری کردیا گیا ہے۔
واضح رہے عمرشریف کی بیرون ملک منتقلی کیلئے امریکہ کی ایئرایمبولینس نامی کمپنی کی خدمات حاصل کی جارہی ہیں
سندھ حکومت کی جانب سے عمر شریف کےعلاج کیلئے 4 کروڑ جاری کئے گئے تھے جس میں سے امریکہ منتقلی کے لیے 2 کروڑ 84 لاکھ 98 ہزار ادا کئے گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News