کنگ آف کامیڈی عمر شریف اور ان کی فیملی کو امریکہ کا 5 سالہ ویزہ مل گیا۔
تفصیلات کے مطابق انٹر نیشنل آرٹسٹ پرموٹر ریحان صدیقی نے اپنے ایک بیان میں کہا کہ لیجنڈ عمر کو جلد ہی ائیرایمبولینس کے ذریعے امریکہ پہنچا دیا جائے گا جس پر پاکستان گورنمنٹ کا شکر گزار ہوں۔
انہوں نے کہا کہ عمر بھائی اور ان کی فیملی انشاءاللہ، واشنگٹن ڈی سی ائیر ایمبولینس پر آرہے ہیں جہاں پر ڈاکٹر شہاب اور ان کی پوری ٹیم ہر طریقے سے تیار ہے۔
انہوں نے کہا کہ امید ہے ڈاکٹر شہاب اور ان کی ٹیم کی قیادت میں آپریشن واشنگٹن ڈی سی میں کامیاب ہوگا۔
ریحان صدیقی کا کہنا تھا کہ عمر شریف کو زیادہ سے زیادہ کوریج دینے اور دنیا بھر میں پھیلانے کے لئے میڈیا کا بہت شکر گزار ہوں۔
انہوں نے کہا کہ حکومت پاکستان اور سندھ گورنمنٹ کا شکریہ ادا کرتا ہوں جنہوں نے لیجنڈ عمر شریف کے ساتھ تعاون کیا۔
انٹر نیشنل آرٹسٹ پرموٹر ریحان صدیقی نے امریکی سفارت خانے اور کانگریس کی خاتون شیلا جیکسن کا بھی شکریہ ادا کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News