بالی ووڈ اداکارہ کرینہ کپور نے انکشاف کیا ہے کہ وہ اپنے دونوں بیٹوں تیمور علی خان اور جہانگیر علی خان کو اداکار نہیں بنانا چاہتیں۔
بھارتی میڈیا رپورٹس کے مطابق اداکارہ نے اپنے ایک انٹرویو میں اپنے دونوں بیٹوں کے مستقبل کے حوالے سے گفتگو کرتے ہوئے کہا کہ میں نہیں چاہتی کہ تیمور اور جہانگیر بڑے ہو کر فلمی ستارے بنیں۔
انہوں نے کہا کہ میں چاہتی ہوں میرے دونوں بیٹے مکمل طور پر ایک جینٹل مین ہوں تاکہ لوگ کہیں کہ اُنہیں اچھی پرورش ملی ہے۔
کرینہ کپور نے کہا کہ لوگوں سے تیمور اور جہانگیر کی پرورش کی تعریف سُن کر مجھے بہت خوشی ہوگی اور میں سوچوں گی کہ میں نے اپنا حق ادا کردیا ہے۔
اُنہوں نے مزید کہا کہ میں بالکل نہیں چاہوں گی کہ میرے دونوں بیٹے اداکار بنیں بلکہ مجھے خوشی ہوگی اگر وہ کسی الگ شعبے کا انتخاب کریں اور میں اپنے بیٹوں کو مکمل طور پر سپورٹ کروں گی۔
دوسری جانب بالی ووڈ کے معروف اداکار سیف علی خان نے اپنے بیٹوں کو نصیحت کی ہے کہ اگر انہیں فن اداکاری میں ان کے نقش قدم پر چلنا ہے تو پھر غلطیوں پر شرمانہ یا گھبرانا نہیں چاہئیے اور ساتھی اداکاروں سے سیکھنا چاہئیے۔
سیف علی خان نے کہا کہ کوشش کریں کہ اچھی چیز کریں، کہنا آسان اور کرنا مشکل ہوتا ہے اور غلطی یقیناً ہوتی ہے لیکن اصل چیز یہ ہے کہ ہم جس دنیا میں رہتے ہیں اس کے لئے ہمیں کچھ دینا ہوتا ہے، میرے خاندان نے اپنے لئے انٹرٹینمنٹ کا شعبہ چنا تو پھر ہمیں انٹرٹینمنٹ کو ہی یقینی بنانا ہوگا۔
واضح رہے کہ سیف علی خان اور ان کی پہلی بیوی امریتا سنگھ کے دو بچے ابراہیم علی خان اور سارہ علی خان ہیں، سارہ جو کہ بالی ووڈ میں اداکاری شروع کرچکی ہیں اور وہ وہاں کافی مقبول بھی ہیں تاہم ابراہیم نے ابھی اپنے کیریئر کا آغاز نہیں کیا ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News